سابق صوبائی وزیرحسنین بہادر دریشک اینٹی کرپشن کے ریڈار پر آگئے

ڈیرہ غازی خان،باغی ٹی وی(سٹی رپورٹر )ریجنل ڈائریکٹر انٹی کرپشن ڈیرہ غازی خان خرم پرویز نے سابق صوبائی وزیر سردار حسنین بہادر دریشک،علی رضا دریشک اور ذوالفقار علی دریشک کے خلاف سرکاری رقبوں پر قبضہ کے خلاف تحقیقات کا حکم دے دیا اور اس سلسلے میں ریکارڈ قبضہ میں لے گیا۔ترجمان کے مراسلہ کے مطابق شہری کی درخواست پر چوٹی زیریں چک جلوہڑ میں ایک کنال سرکاری رقبہ پر دریشک ہائوس تعمیر کرنے،مین جام پور روڈ پر 11 کنال اراضی پر تعمیرات کرنے اور محکمہ انہار کی 17 مرلے رقبہ پر بھی دریشک ہائوس تعمیر کرنے کی درخواست پر کارروائی کی گئی۔ریجنل ڈائریکٹر انٹی کرپشن نے سرکل آفیسر راجنپور نے تحقیقات کا آغاز کردیا اور سابق صوبائی وزیر سردار حسنین بہادر دریشک سمیت دریشک برادران کو سماعت کیلئے طلب کرلیا گیا۔