ڈی جی خان : سینئر صحافی لیاقت علی قریشی انتقال کرگئے

ڈیرہ غازیخان(باغی ٹی وی)سینئر اخبار فروش رہنماء نزاکت علی قریشی ، صداقت علی قریشی،صحافی احمد علی قریشی کے والد اور سینئر کیمرہ مین اسلم قریشی کے بڑے بھائی سینئر صحافی لیاقت علی قریشی انتقال کرگئے، نمازجنازہ لودھی قبرستان میں ادا،سیاسی وسماجی شخصیات سمیت شہریوں اور صحافیوں کی کثیر تعداد میں شرکت،درجات بلندی اور مغفرت کے لئےخصوصی دعا کی گئی ،رسم قل خوانی آج ہو گی ،تفصیلات کے مطابق سینئر اخبار فروش رہنماء نزاکت علی قریشی ، صداقت علی قریشی،صحافی احمد علی قریشی کے والد اور سینئر کیمرہ مین اسلم قریشی کے بڑے بھائی سینئر صحافی لیاقت علی قریشی طویل علالت کے بعد بقضائے الہی انتقال کرگئے مرحوم کا نماز جنازہ جنرل بس اسٹینڈ کے قریب لودھی قبرستان میں ادا کیا گیا نماز جنازہ میں ڈسٹرکٹ ایمرجنسی آفیسر انجینئر احمد کمال،ڈسٹرکٹ آفیسر انڈسٹریز اصغر علی صدیقی،ڈپٹی کنٹرولر امتحانات تعلیمی بورڈ شیخ امجد حسین،ضلعی صدر مرکزی انجمن تاجران شیخ محمد نقیب ریلوے روڈ کے ملک محمد رفیق،میڈیا کوآرڈینیٹر ریسکیو اسد مصطفٰی،نیوز ایجنٹ شمیم اختر، ضیاء السلام قریشی،طارق علی خان کاکڑ، ڈاکٹر محمد یوسف،محمود کھیتران،آڈٹ آفیسر اکرام اللہ ملغانی،سجاد حسین سرکانی،غلام یٰسین،جعفر رضا،خدا بخش لغاری،ظفر اقبال کھوسہ،احمد بزدار،ظہیر فاروقی،سیاسی وسماجی شخصیات سمیت مختلف مکاتب فکر سے تعلق رکھنے والے شہریوں اور پریس کلب کے ممبران کی بڑی تعداد نے شرکت کی اور مرحوم کے بیٹے صداقت علی قریشی،احمد علی قریشی،اسلم قریشی ودیگر سے اظہار تعزیت کرتے ہوئے مرحوم کی مغفرت کے لئے دعا کی۔مرحوم کی روح کے ایصال ثواب کے رسم قل خوانی انکی رہائش گاہ فرید آباد کالونی قریشی سٹریٹ سے ملحقہ جامع مسجد میں آج بعد نماز عصر ہوگی اور افطاری کے ٹائم دعائے مغفرت مانگی جائے گی لیاقت علی قریشی کا شمار ڈیرہ کے انتہائی محنتی اور فرض شناس صحافیوں میں ہوتا تھا۔ غم کے اس اس موقع پر صحافیوں سہیل رضا درانی،اشرف بزدار،سنئیر صحافی ڈاکٹر غلام مصطفیٰ خان بڈانی ، طارق اسماعیل،طاہر معراج، چوہدری شکیل احمد، اسماعیل سیال ،منظور خان لغاری، فاروق احمد غوری،شیخ شمشاد احمد، بخت کھوسہ، شیر افگن بزدار، مصطفی لاشاری، محمد حسین آزاد، اور دیگر صحافیوں نے کہا کہ لیاقت علی قریشی جیسے بہادر اور نڈر صحافی کی کمی کو پورا کرنا ناممکن ہے۔ وہ انتہائی سادہ طبیعت کے شریف ونفس اور اچھے انسان تھے۔ آج ہم ایک اچھے ساتھی سے محروم ہوگئے ہیں۔اللہ پاک انہیں جنت الفردوس میں اعلی مقام عطا کریں اور لواحقین کو یہ صدمہ برداشت کرنے کی ہمت اور حوصلہ دیں۔