اسپتالوں کا معاملہ، عذرا پیچوہو نے معاون خصوصی برائے صحت کو خط لکھ دیا

صوبہ سندھ کی وزیر صحت ڈاکٹرعذرا پیچوہو نے وزیراعظم کے معاون خصوصی برائے صحت ڈاکٹر فیصل سلطان کو خط لکھ دیا۔خط میں کہا ہے کہ کراچی کے تین اسپتالوں کو بورڈ آف گورنرز کے تحت چلانےکا فیصلہ عدالتی فیصلےکےبرخلاف ہے لہٰذا وفاقی حکومت بورڈ آف گورنر کے فیصلے کو واپس لے۔ وفاقی کابینہ، ذیلی کمیٹی اور اٹارنی جنرل بھی اسپتالوں کا انتظامی کنٹرول نہ لینے کی سفارش کرچکے ہیں۔ خط میں کہا گیا ہے کہ 17جون 2019 کو وفاقی کابینہ نے باہمی رضامندی سے تینوں اسپتال صوبے کو دینے کا فیصلہ کیا تھا جبکہ سندھ حکومت 2011 سے اب تک 100 ارب روپے سے زائد کی رقم ان اسپتالوں لگاچکی ہے۔ خط میں مطالبہ کیا گیا ہے کہ عدالتی فیصلے کےبرخلاف بنائے گئے بورڈ آف گورنرز کو ختم کیا جائے۔