لاہور ہائیکورٹ: تحریک انصاف کے رہنما حسان نیازی کا عام انتخابات میں حصہ لینے کا معاملہ ،حسان نیازی کی والدہ کی کاغذات نامزدگی پر دستخط کی اجازت کے لیے درخواست پر سماعت ہوئی
عدالت نے درخواست پر سماعت تھوڑی دیر تک ملتوی کردی،عدالت نے ایڈیشنل اٹارنی جنرل نصر احمد کو پیش ہونے کی ہدایت کر دی ، عدالت نے دوران سماعت ریمارکس دیتے ہوئے کہا کہ فیس دے کر کوئی بھی کاغذات نامزدگی لے سکتا ہے، عدالت نے سرکاری وکلاء سے استفسار کیا کہ اگر کسی امیدوار کا ملٹری کورٹ میں ٹرائل چل رہا ہے تو قانون کیا کہتا ہے ؟ وکیل درخواست گزار نے کہا کہ الیکشن لڑنا ہر شہری کا بنیادی حق ہے، وکیل الیکشن کمیشن نے کہا کہ فوجی عدالت ٹرائل کیس کے ملزم کو وفاقی حکومت ہی الیکشن لڑنے کی اجازت دے سکتی ہے ،وکیل درخواست گزار نے کہا کہ سپریم کورٹ نے ملٹری ٹرائل جاری رکھنے کی اجازت دی لیکن حتمی فیصلہ سے روکا ہے ،جسٹس علی باقر نجفی نے حسان نیازی کی والدہ نورین نیازی کی درخواست پر سماعت کی
درخواست میں وفاقی و ہنجاب حکومت اور کمانڈنگ افیسر کو فریق بنایا گیا ہے، درخواست میں موقف اختیار کیا گیا ہے کہ الیکشن کمیشن نے انتخابی شیڈول کا اعلان کر دیا ہے۔حسان نیازی نہ نا اہل ہیں یہ سزا یافتہ ہیں۔حسان نیازی اس وقت ملٹری کسٹڈی میں ہیں۔ لاہور ہائیکورٹ حسان نیازی کو کاغزات نامزدگی جمع کرانے کا پراسس مکمل کرنے کی اجازت دے۔
حسان نیازی کو ایبٹ آباد سے گرفتار کیا گیا تھا، نو مئی کے واقعہ کے بعد حسان نیازی روپوش ہو گئے تھے، انہیں دوست کے گھر سے پولیس نے گرفتار کیا تھا،حسان نیازی کے والد حفیظ اللہ نیازی، تحریک انصاف کے خلاف ہیں،انہوں نے ٹویٹر پر تصدیق کی کہ حسان نیازی کو گرفتار کر لیا گیا ہے،
واضح رہے کہ عمران خان کی گرفتاری کے بعد تحریک انصاف کے شرپسندوں نے ملک بھر میں جلاؤ گھیراؤ کیا تھا، لاہور میں جناح ہاؤس سمیت دیگر عسکری تنصیبات کو نشانہ بنایا گیا وہیں ن لیگ کے دفتر کو بھی آگ لگائی گئی تھی، شرپسند عناصر کے خلاف کاروائیاں جاری ہیں، کئی افراد کو گرفتار کر لیا گیا ہے، کئی روپوش ہیں، تحریک انصاف کے رہنما پارٹی چھوڑ رہے ہیں تو دوسری جانب کارکنان اظہار لاتعلقی کر رہے ہیں
حسان خان نیازی کو 18 اگست کو عدالت پیش کرنے کا حکم
پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی
کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت
ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات
