حوالدار لالک جان شہید کے 22ویں یوم شہادت کی تقریب ہوئی
حوالدار لالک جان کے یوم شہادت کی تقریب ان کے آبائی علاقےغذر میں ہوئی،ڈی جی آئی ایس پی آر کے مطابق آرمی چیف جنرل قمر جاوید باجوہ کی جانب سے ، کمانڈر فورس کمانڈ ناردرن ایریاز نے حوالدار لالک جان شہید کی قبر پر پھولوں کی چادر چڑھائی تقریب میں مختلف شعبہ ہائے زندگی سے تعلق رکھنے والے افراد ، سول و فوجی عہدیدار اور شہید کے لواحقین شریک ہوئے
قوم آج حوالدار لالک جان شہید، نشانِ حیدر کا بائیسواں یوم شہادت عقیدت و احترام کیساتھ منا رہی ہے۔ کشمیر کی وادی غذر آج بھی لالک جان کی جرات اور بہادری کے قصوں سے گونج رہی ہے ، ایسی بہادری جس کا اعتراف دشمن نے بھی کیا
حوالدار لالک جان شہید کے 22ویں یوم شہادت کی تقریب ، pic.twitter.com/dNqKZxmTp1
— Baaghi TV باغی ٹی وی (@BaaghiTV) July 7, 2021
آئی ایس پی آر کے مطابق 1965 کی جنگ ہو یا کارگل کا محاذ، قوم کے بہادر سپوتوں نے اپنی جانوں کا نذرانہ دے کر پاک دھرتی کو ہمیشہ شاد و آباد رکھا ہے۔ ایسی ہی ایک مثال حوالدار لالک جان شہید کی ہے جہنوں نے کارگل جنگ میں دشمن کو ایسی کاری ضرب لگائی جو وہ صدیوں تک یاد رکھے گا۔ حوالدار لالک جان نے دشمن کیخلاف رضاکارانہ خدمات پیش کر دیں۔
اپنی یونٹ ناردن لائٹ انفنٹری پہنچے ۔ کیپٹن کرنل شیر خان کیساتھ جنگ میں شریک ہوئے ۔ حکم ملا تو درجن بھر ساتھیوں کیساتھ مشکوہ نلہ کی پوسٹ پر بحیثیت پوسٹ کمانڈر ذمہ داری سنبھالی ۔ حوالدار لالک جان اور اُن کے ساتھی 2 سے 6 جولائی تک دشمن کے سامنے سیسہ پلائی دیوار بنے رہے ۔منفی 30 درجہ حرارت یخ بستہ ہواﺅں اور جان لیوا زخموں کے باوجود کمال جرات کا مظاہرہ کرتے ہوئے مرد مجاہد نے کئی گھنٹے ہلکی مشین گن سے دشمن کو بھاری نقصان پہنچایا ۔ حملوں میں تیزی آئی تو حوالدار لالک شدید زخمی ہو گئے لیکن مورچہ چھوڑنے پر تیار نہ ہوئے ۔7 جولائی 1999ء کو دفاع وطن کے عظیم فریضہ کی انجام دہی میں پاک فوج کا یہ بہادر سپوت جام شہادت نوش کر گیا۔ حوالدار لالک جان کی بہادری و شجاعت کے اعتراف پر انہیں نشان حیدر سے نوازا گیا ۔
