حضرو:12 سالہ بچی فروخت،70 سالہ بابے سے زبردستی شادی، سوتیلے باپ سمیت 9 گرفتار

اٹک(باغی ٹی وی)حضرو میں سوتیلے باپ نے12سالہ بچی فروخت کردی،70 سالہ بابے سے زبردستی شادی، سوتیلے باپ سمیت 9 گرفتار

حضرو کے گاؤں خگوانی میں ایک افسوسناک واقعہ پیش آیا ہے جہاں ایک 12 سالہ بچی کو اس کے سوتیلے باپ نے مبینہ طور پر پیسوں کے عوض 70 سالہ شخص سے بیاہ دیا۔

پولیس نے بروقت کارروائی کرتے ہوئے نکاح خواں سمیت 10 افراد کے خلاف مقدمہ درج کر لیا ہے، جن میں سے 9 افراد کو گرفتار کر لیا گیا ہے۔حضرو پولیس نے دولہا نعیم اسکے 4 بہن بھائیوں سمیت 9 افراد کو گرفتار کر لیا۔۔

حضرو پولیس نے 12 سالہ بچی کے 60 سالہ سوتیلے باپ طیب کو بھی گرفتار کرلیا ہے جبکہ نکاح خواں موقعے سے فرار ہوگیا۔ مزید یہ کہ نکاح رجسٹرار نے نمبردار کے ساتھ مل کر 50 ہزار روپے رشوت بھی لی تھی۔

پولیس ترجمان نے بتایا ہے کہ بچی کی زبردستی شادی کے معاملے کی مزید تفتیش جاری ہے۔