اسلام آباد: سپر ٹیکس، سپریم کورٹ نے اسلام آباد ہائیکورٹ کا حکم امتناع معطل کردیا-
باغی ٹی وی : ہائیکورٹ کے حکم نامے کے خلاف ایف بی آر کی پٹیشن پر جسٹس منصور شاہ کی سربراہی میں تین رکنی بنچ نے سماعت کی، آرڈر میں کہا گیا کہ درخواست گزار کی عبوری ریلیف کی درخواستوں پر فیصلہ آئین کے آرٹیکل 199فور کے تحت ہائی کورٹ کی جانب سے شفاف اور منصفانہ موقع فراہم کئے جانے کے بعد کیا جائے گا، ہائی کورٹ آئین کے آرٹیکل 199فور بی ٹو کی شرائط کے مطابق آرڈر یا کارروائی کی نشاندہی بھی کرے گی۔
سپریم کورٹ کے جسٹس سید منصور علی شاہ نے 4صفحات پر مشتمل آرڈر میں کہا کہ ہم احترام کے ساتھ سمجھتے ہیں کہ ہائیکورٹ نے نوٹس دئیے بغیر اور متعلقہ قانونی افسر کو سننے کا موقع فراہم کیے بغیر غیر ضروری جلدی میں عبوری حکم امتناع جاری کیا، صرف اس موروثی خرابی کے باعث ہی عبوری حکم امتناعی مستحق ہے کہ اسے سائیڈ پر رکھ دیا جائے۔
بلوچستان میں کوئلے کی کان دھماکے سے بیٹھ گئی
فیصلے میں مزید کہا گیا کہ کیونکہ معاملہ عوامی آمدنی کے جمع کرنے اور اس کے جائزہ لینے کا ہے تو ہم توقع کرتے ہیں کہ ہائی کورٹ نہ صرف عبوری ریلیف کی درخواستوں بلکہ رٹ پٹیشنوں کا بھی ہر ممکن حد تک تیزی سے فیصلہ کرے گی حالیہ درخواستوں نے ہائیکورٹ کے عبوری حکم کو چیلنج کیا ہے اور ہم اس عدالت کی مروجہ پالیسی اور پریکٹس کو بھی اچھی طرح جانتے ہیں جس کے تحت یہ عدالت عام طور پر ہائیکورٹس کے عبوری حکم ناموں میں مداخلت نہیں کرتی ایسی مداخلت غیر معمولی حالات میں ہی کی جاتی ہے۔ جیسا کہ ایسے کیسوں میں جن میں قانون کی کھلم کھلا خلاف ورزی کی گئی ہو، دائرہ اختیار کی واضح غلط استعمال ہو یا سنگین ناانصافی ہو۔
راولپنڈی میں ڈاکوؤں کی فائرنگ سے 2 پولیس اہلکار زخمی
فیصلے میں کہا گیا کہ حالیہ کیس میں بھی غیر معمولی حالات تھے جن میں مبینہ طور پر آئینی ضروریات کی خلاف ورزی کی گئی تھی، اسی لیے ہم نے حکم امتناعی کا میرٹ پر جائزہ لینے کا قدم اٹھایا۔
