‏آج یوم نجات ہے اور آپ بجا طور پر یومِ نجات منا سکتے ہیں :فضل الرحمان

اسلام آباد:‏آج یوم نجات ہے اور آپ بجا طور پر یومِ نجات منا سکتے ہیں کیونکہ وہ شکست کھاکر بھاگ چکے ہیں
پی ڈی ایم کے سربراہ مولانا فضل الرحمن نے کہا ہے کہ عمران خان دماغی بنیاد پر وزیر اعظم بننے کی صلاحیت نہیں رکھتے۔

تفصیلات کے مطابق مولانا فضل الرحمان نے میڈیا سے گفتگو کرتے ہوئے کہا کہ جعلی وزیر اعظم کے خلاف تحریک عدم اعتماد ایجنڈے پر تھی، غیر متعلقہ خط کو بنیاد بنا کر عدم اعتماد کی تحریک کو ممترد کرنے کی بھونڈی سازش کی گئی۔

انہوں نے کہا کہ پورے ملک کو سیاسی بحران کی جانب دھکیل دیا گیا ہے، شاید ہی اس منصب سے ایسی بھانڈی حماکت دیکھی گئی ہو، عمران خان نے ڈکٹیٹروں کو بھی پیچھے چھوڑ دیا ہے، عمران خان ذلت سے ہار کر بھاگا ہے۔

ان کا کہنا تھا کہ عمران خان دماغی بنیاد پر وزیر اعظم بننے کی صلاحیت نہیں رکھتے، ڈپٹی سپیکر نے اسد قیصر کا حوالہ دیکر رولنگ دی، تحریک عدم اعتماد اپنی جگہ پر قائم ہے، اسمبلیاں تحلیل کرنے کی وزیر اعظم کی سفارش غیر آئینی ہے۔

مولانا فضل الرحمن نے کہا کہ عمران خان نے جمہوریت کا چہرہ مسخ کیا ہے، مشترکہ لائحہ عمل سے آئندہ اقدامات کریں گے، آئین، پارلیمنٹ اور ووٹ کی بالادستی کیلئے اپنا کردار جاری رکھیں گے۔

پی ڈی ایم کے سربراہ مولانا فضل الرحمن کا مزید کہنا تھا کہ نا اہل اور نالائقوں سے قوم کو نجات مل چکی ہے۔