لاہور:سرکاری ملازمین کی سُنی گئی:جس کا بوجھ عام مزدورپرپڑے گا ،اطلاعات کے مطابق کرائے کے گھر میں رہنے والے افسران و ملازمین کیلئے اچھی خبر، حکومت نے سرکاری افسران کے لیے گھروں کے کرائے کی قیمت مقرر کردی ۔
تفصیلات کے مطابق حکومت اب سرکاری افسران کو گھر کا کرایا اضافے کیساتھ دے گی۔ یہ رقم ان افسران و ملازمین کو ملے گی جو کرائے کے گھروں میں رہتے ہوں گے۔ گریڈ 22 کے آفیسر کے لیے گھر کا کرایا 68 ہزار روپے سے 89 ہزار روپے، گریڈ 21 کے آفیسر کے لیے گھر کا کرایا اب 57 ہزار کی بجائے 71 ہزار اور گریڈ 20 کے آفیسر کو کروائے کے گھر کی مد میں حکومت 47 سے 59 ہزار روپے دی گی۔
اسی طرح گریڈ 19 کے آفیسر کو اب گھر کے کرائے کی مد میں 37 سے 46 ہزار روپے کرایا ملے گا جبکہ درجہ چہارم کے ملازمین کو کرائے کے گھر کی مد حکومت سے رقم 9 ہزار روپے تک مل سکے گی۔ نئے کرایوں کا اطلاق یکم جولائی 2021 سے تصور کیا جائے گا۔
دوسری طرف مزدوپیشہ لوگوں کا کہنا ہے کہ بس یہی کچھ تواس ملک میں ہورہا ہےکہ افسران کی تخواہیں ، مراعات بڑھائی جارہی ہیں جواضافی رقم درکارہوتی ہےوہ بوجھ غریبوں پرڈال دیا جاتا ہے،
