باغی ٹی وی : ایچ ای سی نے یونیورسٹیوں کے متعلق اعلان کردیا
باغی ٹی وی : با ہائیر ایجوکیشن کمیشن (ایچ ای سی) نے واضح کیا ہے کہ تمام یونیورسٹیوں میں ایچ ای سی کی جانب سے جاری کردہ رہنما اصولوں کے مطابق کام جاری رکھاجائے گا۔یونیورسٹیاں پانچ دن تعلیمی سرگرمیاں جاری رکھیں گی
وزیر تعلیم شفقت محمود کا کہنا ہے کہ ملک بھر کے تعلیمی ادارے ہفتے میں پانچ روز کھلیں گے، فیصلے کا اطلاق تمام تعلیمی اداروں پر ہوگا۔ شفقت محمود نے ٹوئٹر پر جاری پیغام میں اہم اعلان کرتے ہوئے کہا کہ یکم مارچ سے اسکول کے طلبہ کیلئے پانچوں دن کلاسز ہوں گی۔
انہوں نے کہا کہ اسکولوں میں پچاس فیصد بچوں کیلئے ایک روز اور پچاس فیصد بچوں کی کلاسز اگلے روز کرنے کی ہدایت صرف 28 فروری تک تھی۔
خیال رہے کہ عالمی وبا کورونا وائرس کی دوسری لہر میں شدت کے بعد تعلیمی ادارے بند کردیے گئے تھے جنہیں 18 جنوری سے مرحلہ وار کھولا گیا۔ مرحلہ وار کھولے گئے اسکولوں میں پچاس فیصد بچے ایک روز اور پچاس فیصد بچوں کو اگلے روز آنے کا کہا گیا تھا۔
