پاکستان شوبز انڈسٹری کی معروف اداکارہ حنا الطاف نے شادی کو ایک ماہ مکمل ہونے پر سوشل میڈیا پر اُن کے شوہر آغا علی کے لیے محبت بھرا پیغام جاری کیا ہے۔
باغی ٹی وی : اداکارہ حنا الطاف نے معروف گلوکار و اداکار آغا علی سے شادی کو ایک ماہ مکمل ہونے پر فوٹو اور ویڈیو شیئرنگ ایپ انسٹاگرام پر ایک ویڈیو شئیر کرتے ہوئے محبت بھرا پیغام جاری کیا-
https://www.instagram.com/p/CBvD8QZFCXS/
حنا الطاف کی جانب سے پوسٹ کی جانے والی ویڈیو میں آغا علی اپنی اہلیہ کے بال بناتے ہوئے نظر آرہے ہیں۔
ویڈیو شئیرکرتے ہوئے کیپشن میں حنا الطاف نے آغا علی کو مخاطب کرتے ہوئے لکھا کہ 22 جون کو ہماری شادی کو ایک ماہ مکمل ہوگیا ہے اور اس دوران آپ کے ساتھ میں نے ایک یادگار وقت گزارا ہے۔
حنا الطاف نے لکھا کہ آپ میرے لیے میری زندگی کا سب بہترین فیصلہ ہیں میں آپ کا ساتھ، آپ کا اعتماد اور آپ کی محبت پاکر بےحد خوش ہوں۔
اداکارہ نے لکھا کہ جب کسی وجہ سے آ پ کا موڈ خراب ہوتا ہے اور آپ کا دن اچھا نہیں گُزرتا ہے تو آپ میری بات سُنتے ہیں اور مجھ سے مشورہ لیتے ہیں۔
حنا نے لکھا کہ جب مجھے بھوک لگتی ہے اور میں تھکی ہوئی ہوتی ہوں تو آپ میرے لیے کھانا پکاتے ہیں میں اس سب کے لیے آپ کا شکریہ ادا کرتی ہوں۔
اُنہوں نے لکھا کہ جب آپ مجھ سے ناراض بھی ہوتے ہیں تو میں پھر بھی آپ سے سب کے سامنے آپ کو پیار سے بُلاتی ہوں-
پوسٹ کے آخر میں حنا نے اپنے شوہر سے اپنی محبت کا اظہار کیا-
شوبز انڈسٹری کی ایک اور جوڑی قرنطینہ میں شادی کے بندھن میں بندھ گئی
