پاکستان ٹی وی انڈسٹری کی خوبرو اور چُلبلی طبعیت کی مالک اداکارہ حرامانی کا کہنا ہے کہ اُن کی پُراعتماد شخصیت کا راز میک اپ ہے۔
باغی ٹی وی : :کم عرصے میں شوبز میں اپنی الگ شناخت بنانے والی اور کامیابیوں کے جھنڈے گاڑنے والی اداکارہ حرا مانی نے سماجی رابطے کی ویب سائٹ انسٹاگرام پر اپنی دلکش تصاویر شیئر کیں –
https://www.instagram.com/p/CD_mC5dHj5E/?igshid=1qlnhswv10b0v
تصاویر شئیر کرتے ہوئے اداکارہ نے لکھا کہ مجھے اس اعتماد سے محبت ہے جو مجھے میک اپ دیتا ہے-
اس سے قبل حرا مانی نے انسٹاگرام پر اپنی دلکش تصاویر شیئر کیں جس میں انہوں نے سفید رنگ کا لباس زیب تن کر رکھا ہے کیپشن میں اداکارہ نے بتایا تھا کہ اُن کی آنکھوں کے گرد گہرے حلقے موجود ہیں اور وہ یہ بات سب کے سامنے تسلیم کرتی ہیں۔
https://www.instagram.com/p/CD8cl-uHErY/?utm_source=ig_embed
انہوں نے کہا تھا کہ وہ اس بات کو بھی تسلیم کرتی ہیں کہ کوئی بھی شخص پرفیکٹ نہیں ہوتا ہمیں چاہئے کہ ہم ظاہری خوبصورتی کی بجائے باطنی خوبصورتی کو ترجیح دیں-
انہوں نے ایک شعر بھی لکھا تھا کہ کتنے گہرے حلقے شام کے رنگ ہیں چھلکے –
کم عرصے میں شوبز انڈسٹری میں کامیابیاں سمیٹنے والی اداکارہ حرا اکثر وبیشتر سوشل میڈیا پر مداحوں کے ساتھ ماضی کی تصاویر شیئر کرتی رہتی ہیں جنہیں مداحوں کی طرف سے بھی خوب سراہا جاتا ہے اور مداح تصویروں پر تعریفوں بھرے مختلف دلچسپ تبصرے کرتے ہیں-
واضح رہے کہ 31 سالہ حرا مانی نے اداکاری کے کرئیر کا آغاز2013 میں تیری میری کہانی کے ساتھ کیا تھا وہ اس کے بعد یقین کا سفر، دل موم کا دیا، آنگن، بندش اور میرے پاس تُم ہو جیسے ڈراموں میں کام کرچکی ہیں-
