عفان وحید اور حرامانی ایک بار پھر کسی پروجیکٹ میں ایک ساتھ نظر آئیں گے؟

پاکستان شوبز انڈسٹری کی نامور اداکارہ اور معروف اداکار عفان وحید ایک مرتبہ پھر نئے ڈرامے میں ایک ساتھ نظر آئیں گے-

باغی ٹی وی : عفان وحید اور حرا مانی کی سوشل میڈیا پر وائرل مبہم پوسٹ سے لگ رہا ہے کہ جیسے وہ ایک مرتبہ پھر کسی ڈرامے میں ایک ساتھ نظر آنے کے لئے تیار ہیں-

سماجی رابطے کی ویب سائٹ انسٹا گرام پر حرا مانی اور عفان وحید کی طرف سے ایک پوسٹ شئیر کی گئی ہے جس میں انہوں نے اپنے مداحوں کو مبہم پیغام دیا ہے کہ وہ ایک ساتھ ٔھر اکٹھے کام کرتے نظر آئیں گے-

عفان وحید نے انسٹاگرام پر اپنی اور حرا مانی کی تصاویر شیئر کیں جسے دیکھ کر یوں معلوم ہوتا ہے کہ وہ کسی سیٹ پر موجود ہیں۔
https://www.instagram.com/p/CD864UtMi9f/?utm_source=ig_embed
عفان وحید نے پوسٹ کے کیپشن میں لکھا کہ نئے لفظ ، وہی ہم۔

دوسری جانب حرا مانی نے بھی انسٹاگرام پر تصاویر شیئر کیں اور انہوں نے بھی کیپشن میں لکھا کہ نئے لفظ ، وہی ہم –
https://www.instagram.com/p/CD86p2ynNHQ/?igshid=hx14ufk9grf6
اداکاروں کی اس پوسٹ پر مداحوں نے اسکرین پر اس جوڑی کی متوقع واپسی پر خوشی کا اظہار کیا اور ان کے ممکنہ ڈرامے سے متعلق بھی سوالات کیے تاہم دونوں کی جانب سے اس حوالے سے کوئی جواب سامنے نہیں آیا۔

واضح رہے کہ عفان وحید اور اداکارہ حرا مانی نے پہلی مرتبہ ایک ساتھ دو بول نامی ڈرامے میں کام کیا تھا شائقین کی جانب سے اس ڈرامے کی کہانی اور اداکاروں کی اداکاری کو بہت پسند کیا گیا تھا جس کے بعد یہ ٹیلی ویژن کا کامیاب ڈرامہ بھی ثابت ہوا تھا اور دونوں کی جوڑی کو خوب پسند کیا گیا تھا-

دو بول ڈرامہ 30 اقساط پر مشتمل تھا جو مارچ سے مئی 2019 کے درمیان نجی ٹی وی چینل اے آر وائے پر نشر ہوا تھا۔

اس کے بعد دونوں اداکاروں نے ایک اور ڈرامہ غلطی بھی سائن کیا تھا حرا مانی اور عفان وحید کی جوڑی کے باعث غلطی ڈرامے کے ٹیزرز بھی سوشل میڈیا پر کافی مقبول ہوئے تھے لیکن یہ ڈرامہ دو بول جتنا کامیاب نہیں ہوسکا تھا۔

خیال رہے کہ واضح رہے کہ 31 سالہ حرا مانی نے اداکاری کے کرئیر کا آغاز2013 میں تیری میری کہانی کے ساتھ کیا تھا۔

وہ اس کے بعد یقین کا سفر، دل موم کا دیا، آنگن، بندش اور میرے پاس تُم ہو جیسے ڈراموں میں کام کرچکی ہیں

دوسری جانب 35 سالہ عفان وحید نے اداکاری کے کرئیر کا آغاز 2006 میں نجی چینل جیو کے ڈرامے تیرے پہلو میں سے کیا تھا-

وہ اس کے بعد میرے قاتل میرے دلدار، میں بشریٰ، بھول اور میں نہ جانوں جیسے ڈراموں میں بھی کام کرچکے ہیں۔