ایفی ڈرین الزامات میں بے گناہ ہونے کے باوجود حینف عباسی کو جیل میں رکھے جانے کا انکشاف
لاہور:عدالتیں تو بےگناہ ثابت کر دیا لیکن پھر کون ہے جسے عدالتی فیصلوں کے باوجود جیل میں رکھا گیا.سنئیے باغی ٹی وی ذرائع سے ایک اہم واقعہ.یہ کیس ہے ایفی ڈرین کا جس میں عدالت نے اس کے مرکزی کرداروں کو بے گناہ قرار دیا لیکن اس کے باوجود حنیف عباسی کی قید ختم نہ سکی .
سابق وفاقی وزیر صحت مسلم لیگ نون کے اہم رہنما حنیف عباسی کے خلاف ایفی ڈرین کیس میں لگائے گئے الزامات استغاثہ ثابت کرنے میں ناکام رہا۔عدالت نے عدم ثبوت کی بنا پر اس کیس کے مرکزی کرداروں کو رہا کرنے کا حکم دے دیا لیکن اس کے باوجود رہائی نہ مل سکی،
باغی ٹی وی ذرائع کو موصول ہونے والی دستاویزات سے حاصل ہونے والی عدالتی کارروائی کے مطابق استغاثہ مقدمہ نمبر 2011/40 اور مقدمہ نمبر 2012/45 میں ایف آئی آر میں لگائے گئے الزامات ثابت نہیں کر سکا۔
ذرائع کے مطابق استغاثہ نے وزارت صحت پر الزام عائدکیا تھا کہ ایفی ڈرین کیمیکل جس کی فروخت اور استعمال کے لیے اجازت نامہ اور مقدار کے لیے کوٹہ مقرر ہے ، سے تجاوز کیا گیا تھا۔اس میںایک مقدمہ لاہور کے نیوٹرو فارما اور دوسرامقدمہ اسلام آباد کے گینم فارما کے خلاف درج کیا گیا تھا جس میں الزام عائد کیا گیا تھا کہ وزارت نے قانون کی خلاف ورزی کرتے ہوئے کوٹے سے زیادہ ایفی ڈرین دی ہے.
ان فارما کپمنیوں نے اس ایفی ڈرین کا غلط استعمال کیا اور اس میں سے کچھ ایفی ڈرین سمگلروں تک پہنچائی گئی
یاد رہے کہ ان دونو ں فارما کپمنیوں کے خلاف لگائے الزامات عدالت نے مسترد کرتے ہوئےکہا تھا کہ پولیس کوئی ٹھوس ثبوت نہیں پیش کرسکی .لہٰذا ان دونوں مقدمات میں نامزد کپمنیوں کے ذمہ داران کو بری کرنے کے احکاما دئیے گئے تھے .لیکن عدالتی فیصلوں کے باوجود اس کیس کے مرکزی کردار حنیف عباسی کی جان بخشی نہ ہوسکی.
یاد رہے کہ باغی ٹی وی کو حاصل ہونے والی دستاویزات میںیہ انکشاف ہوا ہے کہ حنیف عباسی کے ساتھ جن کپمنیوںکے افراد پر لگنے والے الزامات عدالت نے مسترد کردیئے تھے لیکن پھر حنیف عباسی کو کس نے جیل کی سلاخوں کے پیچھے رہنے پر مجبور کیاگیا اور 2014 اور2015 میںعدالتی فیصلوں کو کیوں قبول نہ کیا گیا اور حنیف عباسی کو غیر قانونی طور پر جیل میں رکھا گیا
