ئصدر پاکستان پیپلزپارٹی کراچی ڈویژن و صوبائی وزیر سعید غنی کا شہداء 12 مئی کی 14وین برسی کے موقع پر پیغام۔
تفصیلات کے مطابق وزیر تعلیم سعید غنی نے 12 مئی کے شہداء کی 14ویں برسی کے موقع پر پیغام دیتے ہوئے کہا کہ 12 مئی پاکستان کی تاریخ کا سیاہ ترین دن تھا، جب ریاستی دہشتگردی کی گئی ۔ اس روز پولیس اور امن و امان کی بحالی کے اداروں کو دہشتگردوں کے ہاتھوں یرغمال بنا دیا گیا۔
انہون نے کہا کہ 12 مئی کو ایک آمر نے اپنے دہشتگردوں کے ذریعے جمہوری کارکنوں کا قتل عام کروایا ۔ اس قتل عام کے بعد آمر پرویز مشرف نے کہا کہ ہم نے عوامی طاقت کا مظاہرہ کیا ہے۔ عدلیہ کی آزادی کے لئے 12 مئی کی قربانیوں کو ہمیشہ یاد رکھا جائے گا۔
انہوں نے مزید کہا کہ ہم شہداء 12 مئی کو سلام پیش کرتے ہیں۔ اس روز عدلیہ کی آزادی کا تحفظ وکلاء کے ساتھ ساتھ سیاسی جماعتوں کے کارکنوں نے کیا۔ عدلیہ کی آزادی کی تحریک میں اس روز پیپلز پارٹی کے کارکنوں نے بھی اپنی جانوں کا نذرانہ پیش کیا۔
انہون نے کہا کہ 12 مئی کا دن عدلیہ کی آزادی اور جمہوریت کے لئے قربانیوں کے طور پر ہمیشہ یاد رکھا جائے گا۔
