ہمارے ہر بیٹسمین کو فواد عالم سے سیکھنے کی ضرورت ہے بابر اعظم

قومی کرکٹ ٹیم کے کپتان بابر اعظم ک کہنا ہے کہ آج کی جیت پوری ٹیم کی مشترکہ محنت کا نتیجہ ہےجب بھی جیت ملتی ہے بطور کپتان بہت اعتماد ملتا ہے
تمام کھلاڑیوں نے شاندار کھیل پیش کیا-

باغی ٹی وی : بابر اعظم نے کہا کہ وکٹ سے مدد نہیں ملی تو فیلڈنگ پوزیشنز بدل کر حریف ٹیم پر دباؤ بڑھانے کا فیصلہ کیاخوشی ہے کہ پہلی اننگز میں جلدی وکٹیں گنوانے کے باوجود فواد عالم کے ساتھ پارٹنرشپ ہمیں میچ میں واپس لائی-

انہوں نے کہا کہ شاہین شاہ آفریدی نے شاندار باؤلنگ کا مظاہرہ کیا شاہین شاہ آفریدی بہت بااعتماد باؤلر ہیں جب بھی انہیں باؤلنگ کا کہتا ہوں وہ جارحانہ باؤلنگ کرتے ہیں خوشی ہے کہ شاہین شاہ آفریدی جیسا باؤلر میرے پاس ہے-

پاکستان دوسرا ٹیسٹ میچ 109 رنز سے جیت گیا : تین میچوں کی سیریز برابر

قومی کرکٹ ٹیم کے کپتان کا کہنا تھا کہ نوجوان فاسٹ باؤلر نے اپنی عمدہ باؤلنگ سے میزبان ٹیم کو بیک فٹ پر ہی رکھا ہم نے حکمت عملی کے تحت ویسٹ انڈیز کو چوتھے روز بیس اوورز کھیلائے-

بابر اعظم نے کہا کہ ہمیشہ کہتا ہوں فواد عالم بہت تجربہ کار بیٹسمین ہیں مشکل کنڈیشنز میں انہوں نے شاندار بیٹنگ کا مظاہرہ کیا ڈومیسٹک کرکٹ میں دس ہزار رنز بنانے والے فواد عالم ٹیم کو مشکل صورتحال سے نکالنے میں اہم کردار ادا کررہے ہیں ہمارے ہر بیٹسمین کو فواد عالم سے سیکھنے کی ضرورت ہے-