ہولی کے تہوار پر شاہ رخ خان کی فلم کے گانے یہ جو دیس ہے تیرا سوادیس ہے تیرا کے ذریعے بھارت میں امن کا پیغام
![](https://baaghitv.com/wp-content/uploads/2020/03/WhatsApp-Image-2020-03-09-at-5.28.43-PM.jpeg)
شاہ رخ خان کی فلم سوادیش کے گانے سے ہندوؤں کے ہولی کے مقدس تہوار کے موقع پر ایک نئی ویڈیو اور امن کے پیغام کے ساتھ سوشل میڈیا پر وائرل ہو رہا ہے
باغی ٹی وی: شاہ رخ خان کی فلم سوادیش کے گانے سے ہندوؤں کے ہولی کے مقدس تہوار کے موقع پر ایک نئی ویڈیو اور امن کے پیغام کے ساتھ سوشل میڈیا پر وائرل ہو رہا ہے اس کی ویڈیو میں بھارت کے موجودہ پیش نظر حالات کو مدنظر رکھتے ہوئے امن محبت اور بھائی چارے کا درس دیا اس ویڈیو میں دکھایا گیا ہے کہ اس ملک بھارت کے لئے جتنے ہندو اہم ہیں اتنے ہی مسلمان اور دوسری اقلیتی قومیں ا ہمیت رکھتی ہیں ان سب کے ساتھ ہی ملکر ہی بھارت ایک مکمل ملک ہے
— Ayesha (@Ayesha701900053) March 9, 2020
ہولی کے تہوار پر جاری کی گئی اس ویڈیو میں دیکھا جا سکتا ہے کہ ایک ہندو جوڑا ایک دوسرے پر رنگ پھینک کر ہولی منا رہا ہے پھینکا جانے والا سرخ رنگ ایک مسلمان جوڑے پر پڑ جاتا ہے جس سے وہ غصے میں آجا تا ہے اس سے پہلے کہ وہ کچھ کہے ہندو لڑکا اس سے سوری کرتا ہے اور اسے کتھئی رنگ دیتے ہوئے اپنے ساتھ ہولی منانے کی دعوت دیتا ہے اورایک دوسرے کےمنہ پر رنگ لگاتے ہیں یہ دیکھتے ہوئے ہندو لڑکی بھی مسلمان لڑکی کے منہ پر سبز رنگ لگاتی ہے
ویڈیو کے کیپشن میں لکھا دکھائی دیتا ہے ہمارا جھنڈا سبز اور سیفرون رنگوں کے بغیر نامکمل ہے ہم سب کے ساتھ ہمارا ملک ہے نفرت بند کیجئے اور محبت پھیلایئے
ویڈیو کا اختتام ہندو مسلم کے ملکر ہولی کی مبارکباد دنیے پر ہوتا ہے
یہ گانا شاہ رخ کی فلم سوادیس کا ہے اس کو کمپوز اے آر رحمن نے کیا ہے
واضح رہے کہ گذشتہ برس سے بھارت میں سی اے اے قانون پاس ہونے کے بعد سے صورتحال کافی کشیدہ ہے مختلف شہروں میں جلوس نکالے جا رہے ہیں اور ہندو مسلم فسادات جاری ہیں صورتحال پچیدہ تب ہوئی جب ڈونلڈ ٹرمپ بھارت میں دورے پر آئے تو اس دوران ہندو توا نے بھارت کے دارلحکومت نئی دہلی میں مسلمانوں پر حملے کر دیئے مساجد جلائیں اور سر عام پولیس اور ہندو عوام نے نہتے مسلمانوں پر تشدد کیا