محرم الحرام سخت حفاظتی اقدامات ، محکمہ داخلہ کیطرف سے گائیڈ لائن جاری کردی گئی

لاہور : محرم الحرام کے مقدس مہینے میں ملک بھر میں امن وامان کی صورت‌حال کو بہتر بنانے اور قابو میں رکھنے کے لیے محکمہ داخلہ نے حفاظتی اقدامات کا اعلان کرتے ہوئے گائیڈ لائن جاری کردی ہے. اطلاعات کے مطابق محرم کے دوران فوج اور رینجرز طلب کی جائیں گے اور موبال فون بھی جام رکھنے کا فیصلہ ہوا ہے

باغی ٹی وی کے مطابق محکمہ داخلہ نے تمام اضلاع کے ڈی سی اور ڈی پی او کو ہدایت کی ہے کہ وہ فوری طور پر محرم کے سکیورٹی انتظامات کا پلان تیار کریں اور حساس مقامات کی نشاندہی کریں اور محکمہ داخلہ کو اس ھوالے سے آگاہ کریں۔

محکمہ داخلہ کی طرف سے جاری پلان کے مطابق نویں اور دسویں محرم کو ڈبل سواری پر پابندی لگانے پر بھی غور کیا جا رہا ہے۔ محکمہ داخلہ پنجاب نے یہ پالیسی گائیڈ ۔لائن تمام اضلاع کی انتظامیہ کو جاری کر دی ہے ۔ محکمہ داخلہ کا کہنا ہے کہ سابقہ سال کے محرم کے تمام سکیورٹی انتظامات اس سال بھی وہی رکھے جائیں گے۔ محرم کے دوران پولیس ملازمین اور افسران کی چھٹیاں منسوخ ہوں گی۔