ہارر فلم ’’کون ہے‘‘ نمائش کیلئے پیش کردی گئی

لاہور: ہارر فلم ’’کون ہے‘‘ نمائش کیلئے پیش کردی گئی ،اطلاعات کے مطابق لالی وڈ کی نئی ہارر فلم ’’کون ہے ‘‘کو سینما گھروں میں نمائش کے لئے پیش کردیاگیا،فلم کے ہدایتکار سید نور کے چھوٹے بھائی قاسم علی شاہ ہیں۔

لالی وڈ انڈسٹری کی فلموں کو سینماوں میں ریلیز کرنے کا سلسلہ دوبارہ سے شروع ہوگیا۔ اسی سلسلے میں پاکستان فلم انڈسٹری کے لیجنڈ ہدایتکار سید نور کے چھوٹے بھائی قاسم علی شاہ کی نئی ہارر فلم کون ہے کو سینما گھروں کی زینت بنایا گیا ہے۔

فلم کی کاسٹ میں اداکار نواز خان، ریجا،کرن نور ،راشد محمود سمیت دیگر فنکار شامل ہیں۔فلم میں سماجی مسائل کی عکاسی بھی کی گئی ہے،فلم کو شہر لاہور کے دس سے زائد سینما گھروں میں نمائش کے لئے پیش کیا گیا ہے۔