بھارت سن لے کتنی ہی کمزور معیشتوں نے سپر پاورز کو شکست دی ، فواد چوہدری کی ٹویٹ

وفاقی وزیر سائنس اینڈ ٹیکنالوجی فواد چوہدری نے کہا ہے کہ بھارت سن لے کتنی ہی کمزور معیشتوں نے سپر پاورز کو شکست دی ،
اپنے ٹوئٹر پیغام میں ان کا کہنا تھا کہ جنگیں نہ تو مرضی سے ہوتی ہیں نہ ہی ختم مرضی سے ہوتی ہیں اور کئی بار کمزور معیشتوں نے معاشی سپر پاورز کو شکست دی ہے۔

ایک بچے کی ویڈیو کو ایک طبقہ پرموٹ کر رہا ہے کہ معیشت کمزور ہے اس لئےکشمیر بھول جاؤ، جنگیں نہ تو مرضی سے ہوتی ہیں نہ ہی ختم مرضی سے ہوتی ہیں کئ بار کمزورمعیشتوں نے اکنامک سپرپاورز کو شکست دی ہے، جنگ کی خواہش نہیں لیکن جنگ ہوئ تو بھارت کو ناکوں چنے چبوا دیں گےفواد چوہدری نے کہا کہ جنگ کی خواہش نہیں لیکن جنگ ہوئی تو بھارت کو ناکوں چنے چبوا دیں گے۔

اپنے خطاب میں ان کا کہنا تھا کشمیر سے متعلق بھارت کی نیت ٹھیک نہیں، اس مسئلے پر پاکستان میں حزب اختلاف اور حکومت ایک ہے۔

انہوں نے کہا کہ بھارت نے دو بڑی غلطیاں کی ہیں اور اب مذاکرات کی کوئی گنجائش نہیں چھوڑی۔