بیف ود وہائٹ بینز عمدہ اور مزیدار ریسیپی

بیف ود وہائٹ بینز
اجزاء:
بیف ایک پاو
سفید لوبیا پاو پیالی
نمک حسب ذائقہ
یخنی پاو پیالی
کارن فلور ایک چائے کا چمچ
سویا ساس ایک کھانے کا چمچ
چلی ساس ایک کھانے کا چمچ
مشرومز دو عدد
ہری پیاز. ایک عدد
شملہ مرچ آدھی
ادرک ایک انچ ٹکڑے کا آدھا حصہ
پیاز آدھی
ٹماٹر دو عدد درمیانے
بینز سپراوٹس پچیس گرام
آئل دو کھانے کے چمچ
ترکیب:
گوشت کو دس منٹ کے لیے فریزر میں رکھ کر نکال لیں اور چھوٹی چھوٹی بوٹیاں رکھ کر لیں پھر ان کو دھو کر خشک ہونے کے لیے چھلنی میں رکھ لیں لوبیا دھو کر پندرہ سے بیس منٹ گرم پانی میں بھگو لیں پھر ابال کر گلا لیں ہری پیاز اور بین سپراوٹس کو باریک کاٹ لیں مشرومز کے چھوٹے چھوٹے ٹکڑے کر کے رکھ لیں ادرک کو کش کر لیں لہسن باریک چوپ کر لیں پیاز شملہ مرچ اور ٹماٹر کے چوکور ٹکڑے کاٹ لیں ایک پیالے میں سویا ساس اور کارن فلور کو ڈال کر اچھی طرح پھینٹیں پھر اس میں نمک چلی ساس اور یخنی ڈال کر مکس کر لیں کڑاہی میں ایک کھانے کا چمچ تیل ڈال کر درمیانی آنچ پر رکھیں اور اس میں گوشت کی بوٹیاں فرائی کر کے نکال لیں اسی کڑاہی میں ہی پیاز ڈال کر درمیانی آنچ پر ایک منٹ دم دے کر اور پیاز ہلکا نرم ہونے تک فرائی کریں شملہ مرچادرک لہسن ڈال تین سے چار منٹ فرائی کرنے کے بعد اس میں مشرومز ڈال دیں پھر اس میں فرائی کی ہوئی بوٹیاں لوبیا اور تیار کیا گیا ساس ڈال کر آنچ ہلکی کر لیں ابال آنے پر آخر میں بین سپراوٹس اور ہری پیاز ڈال کر چولہے سے اتار لیں مزیدار ڈش کو فرائیڈ رائس یا ابلے چاولوں کے ساتھ پیش کریں