ہرکوئی حقیقت سے واقف ہےکہ عمرکو ٹیم کا حصہ کیوں نہیں بنایا جارہا،بھائی کامران اکمل

لاہور: قومی کرکٹ ٹیم کے سابق وکٹ کیپر بلےباز کامران اکمل نے نیوزی لینڈ کے خلاف سیریز میں بھائی عمر اکمل کو اسکواڈ کا حصہ نہ بنانے پر برہمی کا اظہار کیا ہے-

باغی ٹی وی: سابق کرکٹ کامران اکمل نے کہا کہ پاکستان کرکٹ بورڈ (پی سی بی) نے ٹی ٹوئنٹی اسکواڈ کا اعلان کیا ہے اس میں عمر اکمل کا نام کیوں شامل نہیں؟ عمر اکمل نے گزشتہ سال اور اس سال مشکل حالات میں کرکٹ کھیلی جب موقع ملا ٹیم کیلئے کھیلنے کی کوشش کی مگر مواقع نہیں دیئے گئے۔

نیوزی لینڈ سیریز؛ قومی ٹیم کا اعلان جبکہ بڑے ناموں کی واپسی

انہوں نے کہا کہ مجھےسمجھانےیا بتانےکی ضرورت نہیں، ہر کوئی حقیقت سے بخوبی واقف ہے کہ انہیں ٹیم کا حصہ کیوں نہیں بنایا جارہا، عمر اکمل کو چاپلوسی کی عادت نہیں، اس لیے وہ سلیکٹرز کی نظروں میں نہیں آتے۔

واضح رہے کہ 34 سالہ عمر اکمل نے آخری بار پاکستان کی نمائندگی کرتے ہوئے 2019 میں سری لنکا کے خلاف میچ کھیلا تھا۔

نیوزی لینڈ کا پاکستان کے خلاف ون ڈے سیریز کیلئے ٹیم کا اعلان