کلسٹر بم 2000 بموں کا مجموعہ ؟ دنیا کا خطر ناک ترین ہتھیار ، کیسے ؟

لاہور : مقبوضہ کشمیر میں بھارتی فوج کی طرف سے کشمیریوں پر کلسٹر بموں سے حملے جاری ہیں ، جس کی وجہ سے بہت زیادہ جانی نقصان کا خدشہ ہے. اس سے پہلے کلسٹر بم افغانستان میں‌پھینکے گئے . یہ بم کتنے خطر ناک ہیں اس کے بارے میں ایک تحقیقاتی رپور ٹ میں بہت اہم معلومات دی گئی ہیں.

رپورٹ کے مطابق کلسٹر بم دنیا کے مہلک ترین ہتھیاروں میں سے ایک ہیں، اسی وجہ سے ان پر 120 ممالک نے پابندی لگائی، یہ بم کیا ہیں اور کیا کر سکتے ہیں؟یہ بھی بڑی دلچسپ کہانی ہے.

کلسٹر بم فضا یا زمین سے پھینکے جانے والے گولوں کی ایک ایسی قسم ہے جس کے اندر چھوٹے چھوٹے مزید گولے موجود ہوتے ہیں۔ یہ گولہ جب پھینکا جاتا ہے تو اس سے نکلنے والے مزید چھوٹے گولے وسیع علاقے میں جانی نقصان یا گاڑیوں کو تباہ کرنے کے لیے استعمال ہوتے ہیں۔ ایک بنیادی کلسٹر بم خالی شیل ہوتا ہے جس کے اندر 2 سے لے کر 2000 تک چھوٹے بم موجود ہوتے ہیں۔

یہ پہلا موقع نہیں کہ کلسٹر بم پھینکے گئے بلکہ اس سے پہلے کلسٹر بم کا استعمال دوسری جنگ عظیم کے دوران سویلین اور ملٹری اہداف کے خلاف کیا گیا۔ یہ گولے حملے کے وقت بھی اور بعد ازاں بھی سول آبادیوں کو نقصان پہنچا سکتے ہیں کیونکہ نہ پھٹنے والے گولوں کو اگر ہٹایا یا ناکارہ نہ بنایا جائے تو طویل عرصے بعد بھی یہ نقصان پہنچانے کی صلاحیت رکھتے ہیں جب کہ انہیں تلاش کرنے اور ہٹانے کی لاگت بھی زیادہ ہوتی ہے۔

یہی وجہ ہے مئی 2008 میں آئرلینڈ میں کلسٹر بموں پر ہونے والے کنویشن کی توثیق کرنے والے ممالک پر اس بم کے استعمال کی پابندی عائد ہے جب کہ 2010 سے اس پر پابندی انٹرنیشنل قوانین کا حصہ ہے اور اب تک 120 ممالک اس کنونشن میں شامل ہیں۔

دوسری طرف انسانی حقوق کی تنظیموں نے مطالبہ کیا ہےکہ بھارت کی طرف سے کشمیریوں پر پھینکے گئے کلسٹر بموں کی تحقیقات کرکے بھارت کے خلاف کارروائی کی جائے