حب:وندر مسافر کوچ اور ٹرک میں تصادم،20 افراد زخمی

حب (باغی ٹی وی رپورٹ) بلوچستان کے شہر حب وندر کے قریب افسوسناک حادثہ پیش آیا ہے، جس میں مسافر کوچ اور ٹرک کے درمیان تصادم کے نتیجے میں 20 سے زائد افراد زخمی ہوگئے۔

تفصیلات کے مطابق پنجگور سے کراچی آنے والی مسافر کوچ وندر کے قریب ایک ٹرک سے ٹکرا گئی۔ حادثے کے نتیجے میں زخمی ہونے والوں میں خواتین اور بچے بھی شامل ہیں۔

اطلاع ملتے ہی ریسکیو ٹیمیں فوری طور پر جائے وقوعہ پر پہنچ گئیں اور زخمیوں کو وندر اسپتال منتقل کیا گیا، جہاں انہیں طبی امداد فراہم کی جارہی ہے۔

پولیس نے حادثے کی تحقیقات کا آغاز کر دیا ہے تاکہ حادثے کی وجوہات کا تعین کیا جا سکے۔