سندھ حکومت کے ترجمان و مشیر قانون بیرسٹر مرتضٰی وہاب نے کہا ہے کہ حکومت سندھ ورثاء کے ساتھ کھڑی ہے۔
تفصیلات کے مطابق سندھ حکومت کے ترجمان و مشیر قانون بیرسٹر مرتضٰی وہاب نے مہران ٹاون کورنگی سانحے میں جان بحق افراد کے لواحقین سے ملاقات و تعزیت کرتے ہوئے کہا ہے کہ سندھ حکومت دکھ کی اس گھڑی میں ورثاء کے ساتھ ہے، سندھ حکومت ورثاء کے ساتھ ہر ممکن تعاون کریگی۔
ان کا کہنا ہے کہ پارٹی قیادت کی ہدایت ہے کہ لواحقین کو تنہا نہ چھوڑا جائے، حکومت سندھ ورثاء کے ساتھ کھڑی ہے۔
سندھ حکومت کے ترجمان و مشیر قانون بیرسٹر مرتضٰی وہاب نے مہران ٹاون واقعہ کے شہداء کے لئے اہم اعلان کرتے ہوئے کہا ہے کہ سانحے میں جاں بحق افراد کے لئے دس لاکھ روپے فی کس معاوضہ دیا جائیگا۔
