ہم اپنے بچے کوعوام کی نگاہوں سے بڑھتا نہیں دیکھنا چاہتے انوشکا شرما

بالی وڈ اداکارہ انوشکا شرما اور معروف و مقبول کرکٹر ویرات کوہلی کے ہاں آئندہ ماہ جنوری میں پہلے بچے کی پیدائش متوقع ہے باھرت کی معروف جوڑی اپنے بچے کو ہر ایک کی عزت اور احترام سکھانے کی خواہش مند ہیں۔

باغی ٹی وی : بھاترتی میڈیا رپورٹس کے مطابق ووگ میگزین سے گفتگو کرتے ہوئے انوشکا شرما کا کہنا تھا کہ ہم اپنے بچے کو ہر ایک کی عزت اور احترام سکھانے کے خواہش مند ہیں یہ وہ تعلیم ہے جو مجھے اپنے والدین سے ملی اور اب یہی تعلیم میں اپنے بچے کو دینے کی خواہش مند ہوں ۔

انہوں نے کہا تھا کہ میں اور ویرات اپنے بچے کو بدتمیز نہیں بنانا چاہتے اس لیے بچے کو سوشل میڈیا سے دور رکھیں گے-

انوشکا کا کہنا تھا کہ ہم نے اس بارے میں بہت سوچا اور ہم یقینی طور پر اپنے بچے کو عوام کی نگاہوں سے بڑھتا نہیں دیکھنا چاہتے لہٰذا ہم اپنے بچے کوسوشل میڈیا میں شامل نہیں ہونے دیں گے۔

اداکارہ کا کہنا تھا کہ محبت ہمارے گھر کا بنیادی عنصر ہے اور ہمارے لیے یہ اہم ہے کہ ہمارا بچہ بھی دوسروں کا احترام کرے۔

انوشکا کا کہنا تھا کہ میں ویرات کے ساتھ اپنے بچے کی پرورش کی منتظر ہوں اور ہم اولاد کو ماں باپ کی ذمہ داری کے بجائے خاندان کی اکائی کے طور پر لیتے ہیں اس لیے ہمارے لیے ضروری ہے کہ ہمارے بچے کی پرورش متوازن نقطہ نظر سے کی جائے۔

خیال رہے کہ اس سے قبل ایک فیشن جریدےکو دیےگئے انٹرویو میں انوشکا نے کورونا وائرس کے دوران لاک ڈاؤن کو اپنے لیے رحمت قرار دیا۔

انوشکا کا کہنا تھا کہ لاک ڈاؤن کی وجہ سے ویرات کوہلی گھر پہ تھے اور ہم دونوں کے گھر پہ ہونے کے باعث کسی کو پتہ نہں چل سکا کہ میں امید سے ہوں جب تک کہ ہم نے اس کا اعلان نہیں کیا۔

اداکارہ کا کہنا تھا کہ وہ دونوں صرف ڈاکٹر کے پاس جانے کے لیے گھر سے نکلتے تھے اور سڑکیں خالی ہونے کے باعث ہمیں کوئی دیکھ بھی نہیں پایا اسی طرح فلم سے متعلق بعض کام بھی ویڈیو کانفرنس پر کیے اور حمل کے آغاز میں ہم یہ خبر چھپانے میں کامیاب رہے۔

خیال رہے کہ انوشکا شرما اور ویرات کوہلی کی شادی دسمبر 2017 میں ہوئی تھی –

انوشکا شرما نے عالمی وبا کو اپنے اور شوہر ویرات کوہلی کے لئے رحمت قرار دیا