سابق وزیر اعظم شاہد خاقان عباسی کا کہنا ہے کہ نوازشریف اورہمارا بیانیہ ایک ہی ہے-
باغی ٹی وی : ن لیگی رہنما اور سابق وزیر اعظم شاہد خاقان عباسی کیا کہنا ہے کہ نوازشریف اورہمارا بیانیہ ایک ہی ہےانہوں نے کہا کہ شہبازشریف کو ریفرنس فائل ہونے کے بعدگرفتار کیاگیا حالانکہ وارنٹ جاری کرنے کاکوئی مقصد نہیں تھا شہبازشریف 70دن ریمانڈ میں رہ چکے ہیں-
شاہد خاقان عباسی نے کابینہ اراکین پر الزام لگاتے ہوئے کہا کہ 70فیصد کابینہ اراکین ٹیکس نہیں دیتے یامعمولی دیتے ہیں اور کابینہ اراکین کے اضافی اخراجات کی ادائیگی کرپشن کے پیسوں سے ہوتی ہے-
انہوں نے کہا کہ کوئی ایسا محکمہ نہیں جس میں کرپشن نہ ہوتی ہو کرپشن ہوتی رہتی ہے لیکن اوپر سے آشیر باد حاصل ہو تو یہ بڑھ جاتی ہے-
ن لیگی رہنما نے کہا کہ وزیراعظم بھی ٹیکس سے متعلق جواب دہ ہیں لہذا ان سے بھی اس کی پوچھ گچھ ہونی چاہئے-
شاہد خاقان عباسی نے مزید کہا کہ مجھے گزشتہ روز بھی نیب کی طرف سے ایک اور پیشی کا نوٹس آیا ہے نیب نے مجھے اختیارات کے غلط استعمال پر نیب نے نوٹس بھیجا ہے
شاہد خاقان عباسی نے کہا کہ شہبازشریف کو گرفتار کیاگیا توشاید مجھے بھی حراست میں لےلیں ہم گرفتاری سے نہیں ڈرتے گرفتار کرنے والے خوفزدہ ہیں-
شاہد خاقان عباسی نے کہا کہ ایک طرف کہتے ہیں حکومت کا نیب سے کوئی لینا دینا نہیں دوسری طرف کہتے ہیں ہم سب کا احتساب کریں گے نیب کا کیسز بن جائے تو وکیل کی فیس کروڑوں میں ہے-
سابق وزیراعظم شاہد خاقان عباسی کا کہنا ہے کہ حکومت اپوزیشن سے ڈری ہوئی ہے-
انہوں نے کہا کہ 2ماہ جلسے جلوس ہوں گے اور پھر سڑکوں پر آئیں گے ہمارا ردعمل آئے گا اوراستعفوں کی قربانی دینی ہوگی-
شاہد خاقان عباسی نے مزید کہا کہ گلگت بلتستان انتخابات شفاف نہ ہوئے تو بھارت اس چیز سے فائدہ اٹھائے گا-
واضح رہے کہ نیب نے منی لانڈرنگ اور آمدن سے زائد اثاثوں کے کیس میں شہباز شریف کو گرفتار کیا ہے-
