ہم مردوں کو بُرا بھلا کہہ کر اور خاندانی نظام کو توڑ کر جدو جہد نہیں کر سکتے جویریہ صدیق
![](https://baaghitv.com/wp-content/uploads/2020/03/WhatsApp-Image-2020-03-07-at-1.56.43-PM-1.jpeg)
معروف جرنلسٹ اور کالم نگارجویریہ صدیق نے کہا کہ خاندان کے تمام مردوں کو خراج تحسین جنہوں نے مجھے سپورٹ کیا ہم جس مقام پر آج پہنچے ہیں اس میں ہمارے والد ہمارے شوہر ہمارے بھائی اورہمارے گھر والوں کا بہت بڑا ہاتھ ہے
باغی ٹی وی: معروف جرنلسٹ اور کالم نگارجویریہ صدیق نے سماجی رابطے کی ویب سائٹ ٹویٹر اپنے ایک ویڈیو شئیر کی جس میں انہوں نے خواتین کے عالمی دن کے موقع پر عورت مارچ کے حوالے سے ایک نجی ٹی وی چینل کے شو میں اپنی رائے کا اظہار کیا
جویریہ صدیقی نے کہا کہ ہمیں معاشرے میں ایک دوسرے سے لڑائی نہیں کرنی ہمیں مردوں کے ساتھ شانہ بشانہ مل کر جدو جہد کرنی ہے خاندانی نظام کو توڑ کر ہم جدو جہد نہیں کر سکتے مردوں کو بُرا بھلا کہہ کر ہم جدو جہد نہیں کر سکتے
خاندان کے ان تمام مردوں کو خراج تحسین جنہوں نے مجھے سپورٹ کیا۔ابو چچا دادا ماموں ،بڑے بہنوئی اور ارشد کا بہت شکریہ
جویریہ صدیق #WomensDay pic.twitter.com/e8LzxEU2zj— Javeria Siddique (@javerias) March 9, 2020
انہوں نے کہا کہ آپ میں جس مقام پر آج پہنچے ہیں اس میں ہمارے والد ہمارے شوہر ہمارے بھائی اورہمارے گھر والوں کا بہت بڑا ہاتھ ہے جویریہ صدیقی نے کہا کہ آج وہ اس شو کے توسط سے ان تمام مردوں کا شکریہ ادا کروں گی جنہوں نے ہماری زندگی میں مثبت کردار ادا کرتے ہوئے ہمیں یہاں تک پہنچایا ہے
انہوں نے کہا کہ کوئی شک نہیں یقیناً اس سب میں ہماری اپنی محنت شامل ہے لیکن اس میں ان کا تعاون بھی شامل ہے جویریہ نے پینل میں موجود سب کو مخاطب کرتے ہوئے کہا کہ جس طرح آپ اور میں اس وقت یہاں بیٹھے ہیں تو ہمارے گھر کا جو نظام ہے اس وقت پیچھے جب عورت کام کر رہی ہوتی ہے تو مرد دیکھتا ہے اور جب مرد کام کر رہا ہوتا ہے تو عورت دیکھ رہی ہوتی ہے تو جو دونوں کام کر رہے ہوتے ہیں تو مل کر جدو جہد کرتے ہیں
انہوں نے کہا کہ مارچ کے حوالے سے جو متنازع چل رہا ہے بحث چل رہی ہے اس میں سے صرف متنازع نعرے نکال دیں پھر ہم مارچ میں آپ کے ساتھ ہیں اور جماعت اسلامی کے مارچ میں میں بھی شرکت کرتی ہوں اس میں وہاں مجھے کسی نے بھی کبھی ایسا محسوس نہیں کروایا ہ میں اپنے حلیے کے حساب سے مس فٹ ہوں وہاں ہمیشہ مجھے ویلکم کیا گیا ہے
کالم نگار نے ویڈیو کے کیپشن میں لکھا کہ خاندان کے تمام مردوں کو خراج تحسین جنہوں نے مجھے سپورٹ کیا ابو چچا دادا ماموں بڑے بہنوئی اور ارشد کا بہت شکریہ