پاکستان کے معروف اداکار ہمایوں سعید کو بھی دبئی کا گولڈن ویزہ مل گیا۔
باغی ٹی وی : سماجی رابطے کی ویب سائٹ انسٹاگرام پر ہمایوں سعید نے ویزے کے ہمراہ اپنی تصویرشئیرکی جس میں دیکھا جاسکتا ہے کہ متحدہ عرب امارات کے ترجمان اداکار کو گولڈن ویزا دے رہے ہیں۔
تصویر پوسٹ کرتے ہوئے اپنے پیغام میں کہا کہ متحدہ عرب امارات کے لوگوں کی محبت کا شکریہ جنہوں نے میرے کام کو ہمیشہ سراہا ہے۔
ماڈل مشک کلیم شادی کے بندھن میں بندھ گئیں
ہمایوں سعید نے کہا کہ مجھے اور میری فیملی کو دبئی بہت پسند ہے، اس لیے ہمارا یہاں آنا جانا لگا رہتا ہے اور دبئی میں گزاری گئی چھٹیوں سے لطف اندوز ہوتے ہیں۔
ساتھ ہی انہوں نے دبئی حکومت اور دبئی فلم ٹی وی کمیشن کا بھی شکریہ ادا کیا۔
فواد خان اور صنم سعید بھارتی ویب سیریز میں ایک ساتھ نظر آئیں گے
واضح رہے کہ اس سے پہلے پاکستانی گلوکار و میزبان فخر امام اور اداکار علی ظفر کو بھی گولڈن ویزہ مل چکا ہے علی ظفر گولڈن ویزا حاصل کرنے والے پہلے پاکستانی تھے جبکہ حال ہی میں وسیم اکرم ، شعیب ملک اور ان کی اہلیہ ثانیہ مرزا بھی یہ اعزاز حاصل کر چکے ہیں-
خیال رہے کہ گولڈن ویزا حاصل کرنے والے افراد نیشنل اسپانسر کے بغیر متحدہ عرب امارات میں تعلیم ،کاروبار اور رہائش اختیار کرسکتے ہیں۔
