حسب روایت ہرسال کی طرح اس بار بھی یومِ پاکستان کے موقعے پر فن و ادب اور شوبز سے تعلق رکھنے والی 88 شخصیات کو صدر مملکت ڈاکٹر عارف علوی اورگورنرسندھ عمران اسماعیل نے مختلف شعبوں میں خدمات انجام دینے پر 23 مارچ (یوم پاکستان) کو سول ایوارڈز سے نواز دیا۔
باغی ٹی وی :ایوان صدر اور چاروں صوبوں کے گورنر ہاوسز میں اعزازات کی تقسیم کے لیے تقاریب منعقد کی گئیں جن میں صدر پاکستان ڈاکٹر عارف علوی اور صوبائی گورنروں نے مختلف شعبوں میں نمایاں خدمات پر گزشتہ سال نامزد ہونے والی شخصیات کو اعزازات سے نوازا جن میں ادکاروں، فن کاروں اور فن و ادب س تعلق رکھنے والوں کی نمایاں تعداد شامل ہے۔
ان تقاریب میں 23 شخصیات کو ستارہ شجاعت، 8 کو ستارہ امتیاز، 21 کو تمغہ شجاعت، 8 کے لیے تمغہ امتیاز، 6 کو نشان امتیاز، 3 کو ہلال امتیاز، ایک کے لیے ہلال قائد اعظم، ایک کو ستارہ پاکستان، 6 کو ستارہ قائد اعظم، ایک کو تمغہ پاکستان، ایک کو تمغہ قائد اعظم جبکہ 14 شخصیات کو صدارتی تمغہ برائے حسن کارکردگی سے نوازا گیا۔
تمغہ برائے حسن کارکردگی حاصل کرنے والے فن کاروں میں اداکار ہمایوں سعید، اداکارہ ریشم، گلوکار علی ظفر،گلو کار محمد علی شہکی، اداکارہ صائمہ شاہ المعرف ریشم، ، اداکارہ سکینہ سموں، گلوکارہ ثریا خان (مہ جبین قزلباش) ، گلوکار کرشن ، نعت خواں اور صوفی گلوکارہ حنا نصراللہ ، روتھ وینی لیکارڈل (سویڈن)خدماتِ پاکستان، پروفیسر ڈاکٹر خالد مسعود گوندل تعلیم، نعمت سرحدی(فلمی اداکاری)، ڈائریکٹر رائٹرسرمد صہبائی،کوریوگرافر اندہ مریم مٹھا، اسکواش پلئیرفرحان محبوب،، مذہبی اسکالرمولانا طارق جمیل ، عبدالماجد قریشی رفا عامہ اور محمد فہیم کے نام شامل ہیں۔
معروف شاعر احمد فراز اورعظیم صوفی گلوکارہ عابدہ پروین ،شہرہ آفاق مصور اور خطاط صادقین نقو، معروف مصور پروفیسر شاکر علی، مصور اور مجسمہ ساز مرحوم ظہورالحق اور ممتاز ادیب جمیل جالبی کو نشان امتیازسے نوازا گیا۔
فن کے شعبے میں ستارہ امتیاز حاصل کرنے والوں میں اداکارہ بشریٰ انصاری، اداکار طلعت حسین، مصور محمد عمران قریشی، سلطانہ صدیقی اور کارٹونسٹ فاروق قیصر عرف انکل سرگم ،پروفیسر ڈاکٹر فرحان سیف تعلیم، پیر سید لخت حسنین خدماتِ عامہ، بریگیڈیئر رانا عرفان شکیل رامے خدماتِ عامہ ، لیفٹینینٹ کرنل فاروق شہبازخدماتِ عامہ کے نام شامل ہیں۔ جب کہ زیبا شہناز اور اداکارعبدالماجد جہانگیر نے تمغہ امتیاز حاصل کیا۔
ڈاکٹر طارق شفیع (مرحوم) (برطانیہ) پاکستان کیلئے خدمات پرستارہ قائداعظم سے نوازا گیا-، رچرڈ گیری ہاورٹز (امریکا) کو پاکستان کی کیلئے خدمات ستارہ خدمت جبکہ جین ٹیلر (ڈنمارک) کوپاکستان کی خدمات کیلئے تمغہ پاکستان سے نوازا گیا-
پروفیسر ڈاکٹر انوارالحسن گیلانی (فارماسوٹیکل) ،ڈاکٹر آصف محمود جاہ خدمات عامہ ،سیدجاوید انورخدماتِ پاکستان کے عوض ہلالِ امتیاز سے نوازا گیا-
جبکہ ستارہ شجاعت جواد قمر ،صفیہ (شہید) ،ملک حیات اللہ(شہید) ،ملک سردار خان(شہید) ،حیات اللہ خان، ملک محمد نیاز خان (شہید)، سپاہی اختر خان (شہید)، محمد نوید صادق ،مہر محمد یاسر منظور (شہید)، شفقت اللہ ملک ،پروفیسر ڈاکٹر مصطفیٰ کمال پاشا (شہید)، پروفیسر، حافظ مقصود احمد (شہید)، ڈاکٹر بشیر احمد (شہید)، ڈاکٹر خالد مسعود قیصرانی (شہید)، ڈاکٹر محمد آصف (شہید)، ڈاکٹر شفقت اللہ (شہید)، ڈاکٹر یونس چنہ (شہید)، ڈاکٹر ولایت علی گوپانگ (شہید)، پروفیسر ڈاکٹر محمد جاوید (شہید)، ڈاکٹر منیر خان (شہید)، ڈاکٹر اسامہ، ریاض (شہید)، ملک اشدر (شہید)، ڈاکٹر محمد اخلاق (شہید) کو نوازا گیا-
تمغہ شجاعت حاصل کرنے والوں میں فدا حسین، علی آفتاب تارڑ ،سید شہزاد حسان، ہارون رشید خان، فخرالدین، میاں خان، لیفٹیننٹ کرنل، محمد فہیم رضا خان، ملک وسید خان، مولوی گل داد خان، ملک اسلم نور خان، محمد رفیع (شہید)، داؤد خان (شہید)، عالم زیب (شہید)، اللہ رکھا (مرحوم)، شکیلہ ناز (شہید)، گُنچا سرتاج (شہید)، اعتزاز احمد گورایا (شہید)، ساجد خان مہمند (شہید)، ایس آئی پی شاہد علی (شہید)، افتخار واحد(شہید)، خدا یار (شہید) اورحسان علی (شہید) شامل ہیں-
تمغہ امتیاز حاسل کرنے والی شخصیات میں محمد طاہر جاوید، اداکارہ زیبا شہناز ، مصنف حمیداللہ ہاشمی، سماجی کارکن فیصل ایدھی سیدعامر محمود ،کیپٹن (ر) محمد الیاس ،محمد عمر سعید اور فرید احمد خان شامل ہیں-
