کندھ کوٹ : داماد کے ستائے میاں بیوی میڈیا آفس پہنچ گئے

کندھ کوٹ،باغی ٹی وی (نامہ نگار) گلشیر محلہ کی رہائشی وزیراں خاتون میرانی اپنے شوہر نہال علی میرانی اور اپنی معصوم بیٹی کے ہمراہ میڈیاآفس پہنچ کربیٹی کی ساس اور داماد کی جانب سے ہونے والے ظلم کے خلاف احتجاجی مظاہرہ کیا ،اس موقع پر متاثرہ خاتون وزیراں میرانی نے میڈیا کو بتایا کہ میری بیٹی راشداں کی میرے دیور غلام حیدر میرانی کے بیٹے عامر سے شادی ہوئی ، جس پرمیرے دیور اور میری بیٹی کے شوہرنے بلا جواز تشدد کا نشانہ بنایا اور اس کو جان سے مارنے کی دھمکیاں دے رہے ہیں۔ میری بیٹی پر سیاہ کاری کا جھوٹا الزام لگا کر گھر میں بلا جواز تشدد کیا، تشدد کے بعد ہم بیٹی کی جان بچانے کے لیے اپنے گھر لے آئے لیکن ملزمان نے ہمارے گھر پر حملہ کر کے ہمیں مارا پیٹا اور گھر پر قبضہ کر لیا۔ ایسے واقعہ کے بعد پولیس نے ملزمان کے خلاف کوئی کارروائی نہیں کی، مظاہرین نے مزید کہا ہم نے اس واقعہ کے بعد ملزمان کے خلاف عدالت میں درخواست دائر کی ہے۔ابھی تک ہمیں انصاف ملا انھوں نے عدالت سمیت اعلیٰ حکام سے نوٹس لے کر ملزمان کے خلاف کارروائی کرنے کا مطالبہ کیا۔