حوثی باغیوں کی بمباری سے 10 معصوم شہری جاں بحق

حوثی ملیشیا کی بمباری سے یمن کے صوبے صعدہ میں 10 معصوم شہری جاں بحق ہو گئے.
تفصیلات کے مطابق یمنی وزیر اطلاعات معمر الاریانی کا کہنا ہے کہ حوثی ملیشیا نے صعدہ صوبے کے ضلع قطابر میں آل ثابت قبیلے کے بازار کو کیٹوشیا راکٹوں سے نشانہ بنایا۔ اس کے نتیجے میں 10 نہتے شہری اپنی جانوں سے ہاتھ دھو بیٹھے۔الاریانی نے اپنی ٹویٹ میں ایران نواز حوثی ملیشیا کی کارروائی کو بھیانک قتل عام قرار دیتے ہوئے اس کی سخت مذمت کی۔ انہوں نے کہا کہ وحشیانہ بم باری میں غیر حتمی رپورٹ کے مطابق 10 شہری جاں بحق اور 20 زخمی ہوئے جن میں کئی بچے شامل ہیں۔
واضح رہےکہ آج ہی کے دن حوثیوں کی طرف سے فیکٹری پر بمباری کی گئی ہے جس کے بعد کافی نقصان ہواہے .