حوثی باغیوں کی عوام پر کاروائیوں پر اقوام متحدہ بھی بول اٹھی
باغی ٹی و ی یمن میں حوثی باغیوں کی کاروائیوں سے عالمی تشویش بڑھنے لگی ہے . امریکا نے حوثی ملیشیا کی ان کارروائیوں کی شدید مذمت کی ہے جو یمن میں جنگ اور بد امنی کو طول دینے کی وجہ بن رہی ہیں۔ جمعے کے روز امریکی وزارت خارجہ کی جانب سے جاری ایک بیان میں زور دیا گیا ہے کہ یمن کے بحران کو جاری رکھنے کا سبب بننے والے حوثی ملیشیا کے مذکورہ تصرفات کا خاتمہ کیا جائے۔ بیان کے مطابق یمن کے لیے امریکی ایلچی ٹم لینڈرکنگ اور یمن کے لیے اقوام متحدہ کے خصوصی نمائندے مارٹن گریفتھس اقوام متحدہ کے زیر قیادت امن کوششوں کو مضبوط بنانے کے لیے شانہ بشانہ کام کر رہے ہیں۔
امریکی وزارت خارجہ کا کہنا ہے کہ حوثیوں کی کارستانیاں یمنی عوام کے مصائب کو طول دے رہی ہیں اور اس تنازع کو ختم کرنے کے واسطے کی جانے والی عالمی برادری کی کوششوں کو برباد کر رہی ہیں۔ بیان میں تمام یمنی فریقوں سے مطالبہ کیا گیا ہے کہ وہ فائر بندی کے جامع سمجھوتے کو یقینی بنائیں اور مذاکرات کا حصہ بنیں جن کے نتیجے میں اقوام متحدہ کے زیر سرپرستی ایک جامع سیاسی معاہدہ طے پا سکے۔
امریکی وزارت خارجہ نے سعودی عرب میں شہری تنصیبات اور دیگر مقامات کو نشانہ بنانے کی مسترد کیا ہے اور حوثی باغیوں کی کوششوں کو مذموم قرار دیا ہے ۔
