نوازشریف کو پاکستان لانے کے لیے لندن جارہاہوں:سردارایازصادق نے پھنسانے کا منصوبہ بنا لیا

لاہور:نوازشریف کو پاکستان لانے کے لیے لندن جارہاہوں:سردارایازصادق نے پھنسانے کا منصوبہ بنا لیا،اطلاعات کے مطابق قومی اسمبلی کے سابق اسپیکر سردار ایاز صادق نے دعویٰ کیا ہے کہ عنقریب میاں نواز شریف واپس آئیں گے۔

اپنے بیان میں ایاز صادق نے کہا کہ انہیں نواز شریف کے واپس آنے کی امید بھی ہے اور یقین بھی ہے، نواز شریف سے مل کر آیا ہوں، میری مسکراہٹ بتا رہی ہے کہ کچھ ہونے والا ہے۔

سابق اسپیکر قومی اسمبلی سردار ایاز صادق نے اشاروں میں ن لیگ کے قائد کی واپسی سے متعلق دعویٰ کردیا اور کہا کہ لوگوں نے ہاتھ کھڑے کردیے ، گڈ گورننس بیڈ ہوگئی، نواز شریف کو اس جہان میں انصاف ملنے کا وقت آگیا۔

ایاز صادق نے کہا کہ وہ 20 تاریخ کو لندن جارہے ہیں، نواز شریف کو لے کر ہی لوٹیں گے۔

ادھر ایاز صادق کے ان دعووں پر سوشل میڈیا پرعوام الناس کا کہنا ہےکہ یہ پہلا موقع ہے کہ نوازشریف کو پاکستان لانے کے لیے پارٹی کے ایک بڑے رہنما نے دعویٰ‌کیا ہے لیکن ان کاخیال یہ بھی ہے کہ کہیں ایسا نہ ہوکہ ایازصادق بھی لندن میں ڈیرے لگا لیں‌ کیونکہ نوازشریف نے نہیں آنا اور ایازصادق کہہ رہے ہیں‌کہ وہ ان کو واپس لا کررہیں گے

بعض نے یہ کہا ہے کہ لگتا ہے کہ دال میں کچھ کالا کال ضرور ہے ، ایازصادق نوازشریف کو پھنسانے کےلیے یہ کھیل کھیل رہے ہیں‌،کیونکہ نوازشریف کو پتہ ہے کہ اگروہ واپس آئے تو پھر سیدھا جیل جانا پڑے گا اس لیے وہ نہیں آئیں اور سردار ایازصادق ان کو لاکر پھنسانا چاہتے ہیں

خیال رہے کہ سابق وزیراعظم نواز شریف 2019 میں علاج کی غرض سے لندن گئے تھے اور اب تک واپس نہیں آئے ہیں۔