اداکارہ شہناز گل جن کی دوستی بگ باس 13 میں سدھارتھ ملہوترا کے ساتھ ہوئی اس کے بعد وہ ان کی محبت میں گرفتار ہو گئیں ، لیکن سدھارتھ کی زندگی نے وفا نہ کی اور وہ دنیا سے چلے گئے. شہناز گل کو شدید صدمہ پہنچا، اس کے بعد انہوں نے خود کو سنبھالا اور کام کرنا شروع کر دیا ، شہناز کام میں کافی مصروف ہیں ، وہ فلم کسی کا بھائی کسی کی جان میں اداکار، ہوسٹ ، ڈانسر راگھو کے مقابلے میں نظر آئیں گی ، تاہم ان دونوں کے بارے میں خبریں ہیں کہ دونوں ایک دوسرے کو ڈیٹ کررہے ہیں. پہلے شہناز گل نے ایسی خبروں کی تردید کی اور اب راگھو
جوئل نے بھی ایسی خبروں کی تردید کر دی ہے اور کہا ہے کہ میرے پاس بالکل بھی وقت نہیں ہے کہ میں کسی کوڈیٹ کروں ،میں شوبز میں پیسے کمانے آیا ہوں ، میں ڈبل شفٹ میں کام کرتا ہوں اور میں سمجھتا ہوں کہ کسی کو ڈیٹ کرکے اپنا وقت ضائع نہیں کرنا چاہتا، نہ میں نے شہناز کو ڈیٹ کیا ہے نہ ہی ایسی خبروں میں کوئی صداقت ہے پتہ نہیں کیسے لوگ ایسی خبریں گھڑ لیتے ہیں. میرے پاس تو سوشل میڈیا دیکھنے کا بھی وقت نہیں ہے.