پاکستان میں نئے الیکشن بہت جلد ہوں گے ، یہ کس بڑی شخصیت نے دعویٰ کردیا

لاہور : ملک میں‌نئے الیکشن کی خواہش مسلم لیگ ن کی خواہش بن گئی ، اطلاعات کےمطابق مسلم لیگ نواز کی نائب صدر مریم نواز کے شوہر کیپٹن (ر) صفدر نے کہا ہے کہ ملک میں بہت جلد نئے الیکشن ہونے جا رہے ہیں۔احتساب عدالت لاہور میں پیشی سے قبل گفتگو میں‌ ان کا کہنا تھا کہ ملک میں جلد حقیقی تبدیلی آجائے گی۔

احتساب عدالت میں کیپٹن (ر) صفدر کا کہنا تھا کہ ’ووٹ کو عزت دو‘ کا نعرہ کامیاب ہوگا۔کیپٹن صفدر نے کہا کہ جو ڈیل اور 15 ملین ڈالر دینے کی بات کررہے ہیں، ان کو ہم پانچ ٹکے نہ دیں۔انہوں نے کہا کہ اگر ہمارے پاس حرام کا پیسہ ہوتا تو ان کو ضرور پیشکش کرتے۔

ذرائع کے مطابق سابق رکن اسمبلی کیپٹن ریٹائرڈ صفدر کا کہنا تھا کہ نئے الیکشن ہونے والے ہیں اور سابق وزیراعظم نواز شریف اپنی جنگ کوٹ لکھپت میں جیت چکا ہے۔سماعت سے قبل پولیس نے وکلاء اور صحافیوں کو کمرہ عدالت میں جانے سے روک دیا جس کے خلاف ن لیگ کے کارکنوں نے نعرے بازی کی۔