لاہور: معروف گلوکاراورسیاستدان چیئرمین برابری پارٹی جواد احمد پچھلے کئی ہفتوں سے اپنی توپوں کا رخ پاکستان تحریک انصاف کے چیئرمین عمران خان کی جانب کیئے ہوئے ہیں اور وہ تنقید اورآڑے ہاتھوں لینے کا کوئی موقع ضائع نہیں ہونے دے رہے ، اس تازے بیان میں بھی جواداحمد نے عمران خان پرسخت تنقید کی ہے
عمران خان کے خلاف ٹوئٹر پر جاری پیغام میں جواد احمد نے لکھا کہ ‘یہ خوش قسمت ہےکہ امیروں کابگڑا ہوا بچہ تھا، امیروں کے ایچیسن کالج میں پڑھتاتھا، امیروں کے جمخانہ کرکٹ کا ممبر تھا اور امیروں کی آکسفورڈ یونیورسٹی میں فیس دے سکتا تھا توکرکٹ کھیل گیا اور بڑاکھلاڑی بھی بن گیا’۔
برابری پارٹی کےچیئرمین جواد احمد جو کہ گلوکار بھی ہیں نے کہا ‘اگر عمران ہاکی کھیلتا ہوتا تو وزیراعظم بن کرپاکستان برباد تو نہ کرتا’۔
عمران خان ہاکی سٹیڈیم پہہنچ گیا۔
یہ خوش قسمت ہےکہ امیروں کابگڑاہؤابچہ تھا،امیروں کےایچیسن کالج پڑھتاتھا،امیروں کےجمخانہ کرکٹ کاممبرتھااورامیروں کی آکسفورڈیونیورسٹی میں فیس دےسکتاتھاتوکرکٹ کھیل گیااوربڑاکھلاڑی بھی بن گیا۔
اگرہاکی کھیلتاہوتاتووزیراعظم بن کرپاکستان بربادتونہ کرتا۔
— Jawad Ahmad (@jawadahmadone) August 12, 2022
عمران خان کے ہی خلاف اپنے ایک اور ٹوئٹ میں جواد احمد نے کچھ اس طرح اپنے جزبات کا اظہار کیا ہے وہ لکھتے ہیں کہ ‘سمجھ نہیں آتا کہ پی ٹی آئی کو امریکا کے ساتھ لابنگ کرنے کی اتنی جلدی کیا تھی؟، 14 اگست کو یوم آزادی تو گزر جانے دیتے، اس کے بعد غلام بن جاتے؟’
جواد احمد نے آج کل عمران خان کو تنقید کا نشانہ بنانے کی دو وجوہات بھی بتائیں، انہوں نے کہا ‘میں پاکستان تحریک انصاف کے چیئرمین عمران خان کو اس وقت پاکستان کی سیاست کا ناسور سمجھتا ہوں جو کہ اس ملک میں کرسی کےلیے فساد پھیلا رہا ہے اس لیے اس کی اصلیت بتانا ضروری ہے’۔
سمجھ نہیں آتا کہ PTI کو امریکہ کے ساتھ لابنگ کرنے کی اتنی جلدی کیا تھی؟
14 اگست کو یوم آزادی تو گزر جانے دیتے اس کے بعد غلام بن جاتے؟
— Jawad Ahmad (@jawadahmadone) August 12, 2022
گلوکار نے سخت ترین الفاظ استعمال کرتے ہوئے لکھا ہے کہ ‘میں اسے پاکستان کاسب سےگھٹیا آدمی سمجھتا ہوں جو جھوٹا، چور، منافق، لالچی، مکار ہے اور میں اپنےٹوئٹس میں اس کا ثبوت دیتاہوں’۔
