لاہور : کیا پنجاب پولیس بھی اپنے آپ کو بدل پائے گی ؟ جی ہاں آئی جی پنجاب نے کچھ ایسے ہی فیصلے کردیئے ہیں جن سے پنجاب پولیس میںبہتری کی امید پیدا کی جاسکتی ہے. اطلاعات کے مطابق پولیس کو مثالی پولیس بنانے کے لیے آئی جی پنجاب نے ریکروٹمنٹ پالیسی تبدیل کرنے کا فیصلہ، تھانوں میں سرپرائز وزٹ جاری رکھنے کا اعلان جبکہ منشیات فروشی میں ملوث اہلکاروں کو نکال باہر کرنے کا عزم کر لیا۔
آئی جی پنجاب کے مطابق نئی بھرتی پالیسی میں امیدواروں کا ماہرنفسیات کے پینل سے ٹیسٹ کرایا جائیگا، ماہرنفسیات سے ٹیسٹ کرانے کا مقصد امیدواروں کی اہلیت جانچنا ہے، جانچ کی جائے گی کہ امیدوار پریشر میں کام کرسکتا ہے یا نہیں۔انٹرویو اور تحریری ٹیسٹ کے نمبرز برابر ہوں گے۔
ذرائع کے مطابق آئی جی پنجاب عارف نواز نے پولیس میں موجود کالی بھیڑوں کو بھی خبردار کرتے ہوئے کہنا تھا کہ منشیات فروشی میں ملوث اہلکار پولیس فورس کا حصہ نہیں رہیں گے. آئی جی پنجاب نے آر پی اوز، ڈی پی اوز کو بھی سختی سےاحکامات جاری کر دئیے اور تھانہ کلچر بہتربنانے کیلئے خصوصی ہدایات جاری کی ہیں
