ڈھاکہ:میں ان آزادی پسندوں کوخراج تحسین پیش کرتا ہوں جنہوں نےپاکستان سےآزادی کےلیےقربانیاں دیں:مودی کا ڈھاکہ میں دھماکہ ،اطلاعات کے مطابق بھارتی وزیراعظم نریندرمودی نے بنگلہ دیش پہنچتے ہی ایسا بیان داغا کہ کی کڑیاں سقوط ڈھاکہ سے جاملیں،
بھارتی وزیراعظم نے بنگلہ دیش پہنچتے ہی کہا کہ آج میں ان آزادی پسندوں کوخراج تحسین پیش کرنے آیا ہوں جہنوں نے پاکستان سے آزادی لینے کے لیے قربانیاں دیں اورآج بنگلہ دیش آیک آزاد ملک کی حیثیت سے دنیا کے نقشے پرموجود ہے ،
اس سلسلے میں آج بھارتی وزیر اعظم نریندر مودی کے بنگلہ دیش کے دو روزہ دورے پر جمعہ کی صبح یہاں حضرت شاہ جلال بین الاقوامی ہوائی اڈہ پہنچنے پر بنگلہ دیش کی وزیر اعظم شیخ حسینہ نے خود شاندار استقبال کیا۔
بھارتی ذرائع ابلاغ کے مطابق بھارتی وزیر اعظم مودی بنگلہ دیش کی وزیراعظم شیخ حسینہ کی دعوت پر ہمسایہ ملک کے قیام کی گولڈن جوبلی اور بنگا بندھو شیخ مجیب الرحمٰن کی صد سالہ سالگرہ کی تقریبات میں شرکت کے لئے یہاں پہنچے ہیں۔ واضح رہے کہ کووڈ 19 وبا کے بعد وزیر اعظم مودی کا یہ پہلا غیر ملکی دورہ ہے۔
ہوائی اڈے پر بنگلہ دیش میں ہندوستان کے ہائی کمشنر وکرم دورےسامی بھی موجود تھے۔ وزیر اعظم مودی کو ہوائی اڈے پر ہی فوج کے ایک دستے نے گارڈ آف آنر پیش کیا ۔
ڈھاکہ پہنچنے پر ہونے والے والہانہ استقبال پر وزیر اعظم نریندر مودی نے شیخص حسینہ کا شکریہ ادا کیا۔ ڈھاکہ میں لینڈ کرنے کے بعد انہوں نے ٹوئٹر پر لکھا، ’’ایئرپورٹ پر کئے گئے شاندار استقبال کے لئے میں وزیر اعطم شیخ حسینہ کا شکریہ ادا کرتا ہوں۔ یہ دورہ ہماری اقوام کے باہمی تعلقات کو تقویت بخشے گا۔‘‘
ذرائع کے مطابق وزیر اعظم مودی ڈھاکہ پہنچنے کے فورا بعد ہی شہداء کے قومی میموریل گئے اور بنگلہ دیش کی آزادی کی لڑائی کے شہدا کو خراج عقیدت پیش کیا۔ انہوں نے وہاں وزٹر رجسٹر میں اپنے دستخط کئے ۔
اس کے بعد وہ دوپہر میں بنگلہ دیش کے قومی دن کے پروگرام میں شامل ہونے کے بعد شام کو باپو بنگا بندو ڈیجیٹل ویڈیو نمائش کا افتتاح کریں گے ۔ وزیر اعظم مودی بنگلہ دیش کے صدر عبدالحمید سے ملاقات کریں گے اور میزبان وزیر اعظم محترمہ حسینہ کے ساتھ ایک وفد سطح کی میٹنگ میں شرکت کریں گے۔
وہ بنگلہ دیش کی مختلف سیاسی جماعتوں کے رہنماؤں اور معززین سے بھی ملاقات کریں گے۔ وزیر اعظم مودی نے اپنے دورے کے پہلے بیان میں کہا تھا ’’ مجھے خوشی ہے کہ کووڈ 19 وبا کی شروعات کے بعد کسی ایسے ہمسایہ دوست ملک کا یہ میرا پہلا غیر ملکی دورہ ہے ، جس کے ساتھ ہندوستان کے ثقافتی ، لسانی اور دونوں ممالک کے لوگ کے درمیان گہرے تعلقات ہیں
وزیر اعظم نے کہا تھا کہ وہ بنگلہ دیش کے قومی دن کی تقریبات میں اپنی شرکت کا بے صبری سے انتظار کر رہے ہیں ۔ بنگلہ دیش کے بابائے قوم بنگا بندھو شیخ مجیب الرحمن کی صد سالہ سالگرہ بھی منائی جارہی ہے۔ بنگا بندھو گذشتہ صدی کے قد آور قائدین میں سے ایک تھے ، جن کی زندگی اور نظریات لاکھوں لوگوں کو تحریک دیتے ہیں
دوسری طرف ذرائع نے یہ بھی دعویٰ کیا ہے کہ بنگلہ دیش اس وقت میدان جنگ بنا ہوا ہے اورملک بھر کی مساجد اورمدارس کے علما ، طلبا اس دورے کے خلاف احتجاج کررہے ہیں
یہ بھی بتایا جارہا ہے کہ ڈھاکہ میں فوج ہی فوج نظرآرہی ہے اورپولیس مظاہرین کوپکڑ پکڑ کرجیلوں میں ڈال رہے ہیں ، یہ بھی معلوم ہوا ہےکہ پولیس اورمظآہرین کے درمیان سخت جھڑپیں جاری ہیں
ادھ رڈھاکہ سے ذرائع کا کہنا ہے کہ نہ صرف مذہبی اداروں کے اساتذہ اورتلامذہ احتجاج کررہے ہیں بلکہ سرکاری اورپرائیویٹ یونیورسٹیز کے طلبا بھی مودی کی بنگلہ دیش آمد پر نوحہ کناں ہیں
ادھر عالمی ذرائع ابلاغ نے اس حوالے سے لکھا ہے کہ ایسے لگ رہا ہے کہ اب بنگلہ دیش کی حکومت کے سوا باقی سب بھارت سے نفرت کرنے لگے ہیں اوران کو بھارتی حکمرانوں سے نفرت ہوگئی ہے اوریہی وجہ ہے کہ اس وقت بنگلہ دیش کے گھر گھرسے مودی کے دورہ کے خلاف احتجاج ریکارڈ کروایا جارہاہے
