مجھے بھی ہراساں کیا گیا، کشمالہ طارق کا حیران کن انکشاف:کس نے کیا؟لوگ نام پوچھنے لگے

اسلام آباد :مجھے بھی ہراساں کیا گیا، کشمالہ طارق کا حیران کن انکشاف:کس نے کیا؟لوگ نام پوچھنے لگے،اطلاعات کے مطابق وفاقی محتسب کشمالہ طارق نے انسانی حقوق کے عالمی دن کے موقع پر حیران کن انکشاف کر دیا، انہوں نے کہا کہ مجھ پر استعفیٰ دینے کے لیے دباؤ تھا اور مجھے ہراساں بھی کیا جاتا رہا۔

میڈیا سے بات کرتے ہوئے کشمالہ طارق کا کہنا تھا کہ وفاقی محتسب ہوتے ہوئے بھی ہراساں ہوتی رہی ہوں لیکن اب سب سے یہ بات کہنا چاہتی ہوں کہ ڈرنا ترک کر دیں۔

انہوں نے کہا کہ ملک میں خواتین کے علاوہ مرد بھی ہراساں ہوتے ہیں، پارلیمینٹیرینز کو ہراساں کرنے کے واقعات کی روک تھام کے لیے پارلیمانی کمیٹی اپنا کردار ادا نہیں کر رہیں۔

کشمالہ طارق کا کہنا تھا کہ پرائیوٹ سیکٹر سمیت سرکاری اداروں میں ہراسانی کے کیسز کی تعداد زیادہ ہے، یونیورسٹیز میں بھی لڑکیوں کو ہراساں کیا جاتا ہے۔بینکوں میں ہراسانی کے کیسز کا نوٹس لیا تو سی ای او اور سی ایف او کو مستعفی ہونا پڑا۔

انہوں نے مزید کہا کہ ہمارے پاس آنے والوں کو وکیلوں کی فیس نہیں دینی پڑتی، یہاں صرف 20 دن میں ایسے معاملات پر فیصلے دئیے گئے ہیں جن پر 10 10 سال تک خواتین عدالت کے چکر لگاتی ہیں۔