شان شاہد نے اپنے ایک حالیہ انٹرویو میں کہا ہے کہ مجھے دا لیجنڈ آف مولا جٹ میں فواد خان کے باپ کا کردار آفر ہوا تھا جو کہ بہت مختصر تھا اور میں نے نہیںکرنا تھا. شان نے مزید کہا کہ سلطان راہی نے اپنی آوازکا سکیل اونچارکھا تھا اور مصطفی قریشی نے نیچا جبکہ حمزہ علی عباسی اور فواد خان کی آوازوں کا جو سکیل تھا وہ آپس میں میل نہیں کھاتا تھا، حمزہ کسی سکیل میں بات کررہا تھا فواد اس سے بالکل مختلف سکیل میں بات کر رہا تھا. ان دونوں کو چاہیے تھا کہ یہ دونوں بیٹھتے اور کردارں کو کس طرح ادا کرنا ہے اسکی سٹریٹیجی بناتے. شان شاہد نے مزید کہا کہ پہلی مولا جٹ جو بنی تھی اسکاآئیڈیا وحشی جٹ سے لیاگیا تھااور وحشی جٹ احمد ندیم قاسمی کے ایک ناول سے ماخوزتھا. میں یہ نہیں
کہتا کہ فواد خان نے اچھی اداکاری نہیں کی لیکن حمزہ علی عباسی کاکردار فواد خان کے کردار پر حاوی نظر آیا. شان شاہد نے کہا کہ آڈینز کا بھی یہی خیال تھا . انہوں نے مزید کہا کہ کسی بھی اداکار کو جب کوئی کردار دیتے ہیں تو وہ اتنا ضرور ہونا چاہیے کہ وہ سکرین پر شائقین کو نظر آئے. لیکن دا لیجنڈ آف مولا جٹ میں مجھے جو کردار دیا جا رہا تھا وہ بہت مختصر تھا جو شاید دیکھنے والوں کو یاد بھی نہ رہتا .
