نیدر لینڈز کا سری لنکا کو جیت کے لیے 263 رنز کا ہدف

آئی سی سی کرکٹ ورلڈ کپ ، 19 ویں میچ کا آغاز ہو گیا ہے،نیدر لینڈز نے سری لنکا کے خلاف ٹاس جیت کر بیٹنگ کرنے کا فیصلہ کیا ہے

آئی سی سی کرکٹ ورلڈ کپ کے 19 ویں میچ میں نیدر لینڈز نے سری لنکا کو جیت کے لیے 263 رنز کا ہدف دے دیا، نیدرلینڈز کی پوری ٹیم 262 رنز پر آؤٹ ہوگئی جب کہ اننگز کی دو گیندیں باقی تھیں،نیدرلینڈز کی جانب سے سائبرینڈ اینجل بریکٹ 70 رنز بناکر ٹاپ اسکورر رہے، لوگن وین بیک نے 59 رنز بنائے،سری لنکا کی جانب سے دلشان مدھوشانکا اور کاسون راجیتھا نے چار چار وکٹیں حاصل کیں،اس کے علاوہ مہیش ٹھیکشانہ نے 1 وکٹ لی،میچ لکھنؤ کے اکانا اسپورٹس سٹی میں کھیلا جارہا ہے،

نیدر لینڈز کے کپتان اسکاٹ ایڈورڈ کا کہنا ہے کہ کہ وکٹ اچھی لگ رہی ہے، ٹیم میں کوئی تبدیلی نہیں کی ہے،سری لنکا کے کپتان کوشال مینڈس نے کہا کہ ٹیم میں 2 تبدیلیاں کی ہیں.

نیدر لینڈ اور سری لنکا اب تک ورلڈ کپ میں تین تین میچ کھیل چکی ہیں، سری لنکا اپنے تین میچ ہار چکی ہے جبکہ نیدر لینڈ نے صرف ایک میچ جیتا ہے