آئی سی سی نے انڈر 19 کرکٹ ورلڈکپ 2020 کے شيڈول کا اعلان کرديا کیا ،

باغی ٹی وی رپورٹ : دومرتبہ کی عالمی چیمپئن پاکستان کی ٹیم آئی سی سی انڈر 19 کرکٹ ورلڈکپ2020 میں اپنا پہلا میچ سکاٹ لینڈ کےخلاف کھیلے گی۔ انٹرنیشنل کرکٹ کونسل کی جانب سے اعلان کردہ شیڈول کے مطابق دونوں ٹیموں کے درمیان میچ آئندہ سال19 جنوری بروز اتوار کو پوچیف اسٹروم کےنارتھ ویسٹ یونیورسٹی اوول میں کھیلا جائے گا۔ چوبيس روز تک جاری رہنے والے ایونٹ میں 16 ممالک کی ٹیمیں شرکت کریں گی۔آئندہ سال17 جنوری سے شروع ہونے والے ایونٹ کا فائنل میچ بینونی کے جے پی مارک اوول میں کھیلا جائے گا۔ قومی انڈر 19 کرکٹ ٹیم ایونٹ میں ا پنا دوسرا میچ22 جنوری کو زمباوے کے خلاف بلوم فاؤنٹین کے وٹرانٹ اوول میں کھیلے گی۔ گروپ مرحلے میں پاکستان کا آخری میچ بنگلہ دیش کے خلاف ہوگا۔ دونوں ٹیمیں 24 جنوری کو جے پی مارک اوول میں مدمقابل آئیں گی۔ ہر گروپ سے 2 بہترین ٹیمیں سپر لیگ مرحلے میں رسائی حاصل کرلیں گی جبکہ باقی تمام ٹیمیں پلیٹ چیمپئن شپ کے لیے نبردآزمائی کریں گے۔ ایونٹ میں سپر لیگ مرحلے کا آغاز 28 جنوری بروز منگل کو ہوگا۔

مریم نواز والد سے مل کر رو پڑیں،نواز شریف نے کیا کہا؟

سپر لیگ مرحلے کے اختتام پر 4 ٹاپ ٹیمیں سیمی فائنل کے لیے کوالیفائی کریں گی۔ ایونٹ کے فاتح کا فیصلہ 9 فروری بروز اتوراکو ہوگا۔ قومی انڈر 19 کرکٹ ٹیم اس سے قبل 2004 بنگلہ دیش اور 2006 سری لنکا میں منعقدہ آئی سی سی انڈر 19 ورلڈکپ کی فاتح رہ چکی ہے۔ پاکستان ایونٹ کے 3 ایڈیشنز میں رنرزاپ بھی رہ چکا ہے۔ گذشتہ سال نیوزی لینڈ میں منعقدہ آئی سی سی انڈر 19ورلڈکپ میں پاکستان ٹیم کی قیادت حسان خان نے کی تھی۔ ایونٹ میں قومی انڈر 19 کرکٹ ٹیم سیمی فائنل میں بھارت سے شکست کھاگئی تھی۔ آئی سی سی انڈر 19 ورلڈکپ پہلی بار 1988 میں کھیلا گیا، جس کے ہر 2 سال بعد ایونٹ کا انعقاد مستقل بنیادوں پر کیا جارہاہے۔ ایونٹ کے تاحال 12 ایڈیشنز مکمل ہوچکے ہیں جس میں بھارت 4 مرتبہ فاتح رہا ہے۔ آسٹریلیا 3، پاکستان 2 جبکہ جنوبی افریقہ اورویسٹ انڈیز ایک ایک بار ایونٹ جیت چکے ہیں۔ ایونٹ میں شامل وارم اپ میچزآئندہ سال 12 سے 15 جنوری تک جاری رہیں گے جہاں نیوزی لینڈ میں کھیلے گئے آخری ایڈیشن میں شامل11 فل ممبران اور 5 ریجنل ٹیمیں شرکت کریں گی۔