عدت میں نکاح کے کیس میں سزا پر تعجب اور افسوس ہے،بلاول

ایم کیو ایم کو بھی اپنی ہار نظر آ رہی ہے
0
133
Bilawal

حیدرآباد: پیپلز پارٹی کے چیئرمین بلاول بھٹو زرداری نے کہا کہ انتخابات کے بعدآصف زرداری صدر کیلئے پارٹی کے امیدوارہوں گے-

باغی ٹی وی: نجی چینل کو دئیے گئے انٹرویو کے دوران بلاول بھٹو زرداری نے پی ٹی آئی بانی عمران خان اور ان کی اہلیہ بشریٰ بی بی کے خلاف دورانِ عدت نکاح کیس کے فیصلے پر کہا ہے کہ غیر شرعی نکاح کیس کے اس نتیجے کی حمایت کرنا مشکل ہے۔

بلاول بھٹو زرداری نے کہا کہ جس طرح عدت نکاح کیس پر میڈیا رپورٹنگ کی جارہی ہے میں اس کا حصہ نہیں بننا چاہتا، خواتین کے حقوق کے تحفظ کے لیے ماضی میں کی گئی کوششوں پر بھی اس فیصلے سے منفی اثر پڑ سکتا ہے، انتخابات کے بعدآصف زرداری صدر کیلئے پارٹی کے امیدوارہوں گے، پیپلز پارٹی وزیراعظم، صدر، چیئرمین سینیٹ اور اسپیکر قومی اسمبلی کیلئے بھی اپنے امیدوار کھڑے کرے گی۔

انہوں نے کہا کہ ن لیگ پورے ملک سے ہار رہی ہے،مریم نواز کا وزیراعلیٰ یا وزیراعظم بننا خواب ہے، جبکہ ایم کیو ایم کو بھی اپنی ہار نظر آ رہی ہے اسی لیے وہ پھر پرتشدد واقعات کی سیاست کر رہی ہے توشہ خانہ اور سائفر کیس پر میرا بلکل واضح موقف ہے لیکن عدت میں نکاح کے کیس میں سزا پر تعجب اور افسوس ہے، ہمیں سیاست میں اتنا آگے نہیں جانا چاہیے،عام انتخابات میں دھاندلی کا خدشہ ظاہر کرتے ہوئے کہاکہ یہ تو موسم ہی دھند کا ہے۔

Leave a reply