واشنگٹن : اگر میں صدر بنا تو اسلام کو امریکہ میں ویسا ہی مقام ملے گا جیسا باقی مذاہب کو ملتا ہے،جوبائیڈن کا مسلمانوں سے وعدہ،اطلاعات کے مطابق امریکہ نومنتخب ممکنہ صدر جوبائیڈن نے کہا ہے کہ اگروہ صدر بن گئے تو وہ اسلام کو امریکہ میں دیگرمذاہب جیسا مقام دیں گے ،
ذرائع کے مطابق امریکہ کی ڈیموکریٹک پارٹی کے صدارتی امیدوار جو بائیڈن نے ایک مرتبہ دوبارہ اپنے وعدے کو دہراتے ہوئے کہا ہے کہ اگر وہ صدارتی انتخاب جیت گئے تو صدر ڈونلڈ ٹرمپ کی جانب سے سات مسلم ممالک کے تارکین وطن کے ملک میں داخلے پر پابندی کے حکمنامے کو ختم کر دیں گے۔
خبر رساں ادارے روئٹرز کے مطابق جو بائیڈن نے امریکی صدر ٹرمپ پر تنقید کرتے ہوئے کہا کہ سات مسلم ممالک کے افراد پر امیگریشن کی پابندی عائد کرنا اختیارات کا ناجائز استعمال ہے۔
واضح رہے کہ صدر ٹرمپ نے سات مسلم اکثریتی ممالک سے آنے والے تارکین وطن کے ملک میں داخلے پر پابندی عائد کی تھی جبکہ اس اقدام کے متعلق جو بائیڈن اور دیگر ناقدین نے کہا تھا کہ مسلمانوں کے ساتھ امتیازی سلوک کیا گیا ہے۔
ایک وفاقی عدالت نے ابتدائی پابندی کے حکمنامے کو مسترد کر دیا تھا لیکن 2018 میں سپریم کورٹ نے ایک ترمیم شدہ فیصلہ کو برقرار رکھا۔ یاد رہے کہ رواں برس اپریل میں بھی صدر ٹرمپ نے دو ماہ کے لیے ملک میں امیگریشن پر پابندی عائد کرنے کا اعلان کیا تھا۔
جو بائیڈن کا ویڈیو بیان میں کہنا تھا کہ اگر میں صدر بنا تو پہلے ہی دن مسلم تارکین وطن پر عائد پابندی ختم کر دوں گا۔یہ بیان چند ہفتے پہلے دے کرجوبائیڈن نے مسلم ووٹ حاصل کرنے میںکا میابی حاصل کی
