پشاور:پاکستانی اقدامات کے پر بین الاقوامی ادارے کیوں مطمئن نہیں ہورہے. ایک طرف پاکستان عالمی اداروں کی ہدایات کی روشنی میں اقدامات کررہا ہے تو دوسری طرف اس کے باوجود خطرات منڈلارہے ہیں. اسی سلسلے میں انٹرنیشنل مانیٹری فنڈ (آئی ایم ایف) کی جانب سے انتباہ جاری کیا گیا ہے کہ اگر پاکستان فنانشل ایکشن ٹاسک فورس (ایف اے ٹی ایف) کی گرے لسٹ میں سے نکلنے میں ناکام ہوگیا تو یہاں سرمائے کی آمد میں کمی واقع ہوجائے گی۔
پشاور یونیورسٹی میں ’آئی ایم ایف پاکستان کیلئے فنڈز بڑھانے کے انتظامات‘ کے عنوان سے ہونے والے سیمینار سے خطاب کرتے ہوئے پاکستان میں آئی ایم ایف کی نمائندہ ٹیریسا ڈابن سانشیز کا کہنا تھا کہ ایف اے ٹی ایف کی گرے لسٹ سے نکلنے کے لیے موزوں اقدامات نہ کرنے سے پروگرام پر اثر پڑ سکتا ہے۔
