انٹرنیشنل فنانس کارپوریشن (آئی ایف سی) نے پاکستان کی معیشت میں بہتری کے لیے ریکوڈک منصوبے میں مزید 400 ملین ڈالر کی سرمایہ کاری کا اعلان کر دیا ہے۔
اس تازہ اعلان کے بعد آئی ایف سی کی ریکوڈک منصوبے میں کل سرمایہ کاری 700 ملین ڈالر تک جا پہنچی ہے۔ منصوبے کی مجموعی لاگت 6.6 بلین ڈالر ہے، جس کے لیے مالیاتی اتحاد قرض اور سرمایہ کاری کی مدد سے فنڈ فراہم کرے گا۔ریکوڈک منصوبے سے آئندہ 37 سال میں 74 ارب ڈالر تک آمدنی کی توقع کی جا رہی ہے، جبکہ اس منصوبے میں یو ایس ایگزِم بینک، ایشیائی ترقیاتی بینک، کینیڈا اور جاپان کے مالیاتی اداروں کی شمولیت کا بھی امکان ہے۔
آئی ایف سی کے سربراہ مختار ڈیوپ کا کہنا ہے کہ پاکستان میں توانائی، قدرتی وسائل اور انفراسٹرکچر کے شعبوں پر خصوصی توجہ دے رہے ہیں، اور ان شعبوں میں سرمایہ کاری کو دوگنا کیا جائے گا۔انہوں نے مزید کہا کہ ریکوڈک پاکستان کا سب سے بڑا تانبے اور سونے کا منصوبہ ہے، جو 2028 میں پیداوار شروع کرے گا۔ ان کا کہنا تھا کہ اس منصوبے سے بلوچستان میں ترقی اور روزگار کے نئے مواقع پیدا ہوں گے۔
اسرائیل کا ایران کے مشہد ایئرپورٹ پر حملے کا دعویٰ
ایرانی صدر کا تمام مسلم ممالک کو یکجا ہونے کا مطالبہ
ایران اسرائیل کشیدگی: پاکستانی شہریوں کے لیے ایران جانے سے گریز کی ہدایت جاری
اسرائیل سے ممکنہ جنگ کی تیاری،ایران میں میٹرو اسٹیشنز کو پناہ گاہیں بنا دیا گیا