معروف اداکارہ و ماڈل عفت عمر نے 12 ربیع الاول کے حوالے سے پیغام دیتے ہوئے کہا ہے کہ کہا کہ ماہ ربیع الاول امت مسلمہ کے لیے خاص اہمیت کا حامل مہینہ ہے کیونکہ اس مہینے نبی آخرالزماں کی دنیا میں تشریف آوری ہوئی۔ میں سمجھتی ہوں کہجب ہم اپنی زندگی میں حاصل ہونے والی چھوٹی چھوٹی خوشیوں پر اللہ تعالیٰ کا شکر ادا کرتے ہیں اور خوشی مناتے ہیں تو وجود محمدی کی نعمت عطا ہونے پر سب سے بڑھ کر خوشی منائی جانی چاہیں اور اس خوشی کے اظہار کا بہترین موقع ماہ ربیع الاوّل ہے۔12ربیع الاول کی خوشیاں تو اسی رات سے منائی جانی شروع ہوجاتی ہیں جس رات ہمیں ربیع الاوّل کا چاند نظر آتا ہے۔
اپنے دوستوں اور عزیزواقارب کو ماہِ ربیع الاوّل پر آمد پر مبارکباد یتے ہیں۔ماہ ربیع الاول کا پیغام آج کے مسلمان کے لئے ”اگر کوئی ہو سکتا ہے تو یہ کہ وہ اپنے معاملات اور طرز حیات میں نبی کی روشن زندگی کو داخل کر کے جنت کا حقدار بن جائے ”۔انہوں نے کہا کہ اس اہم دن پر ہمیں اپنا احتساب کرنا چاہیے اور فیصلہ کر لینا چاہیے کہ ہم نبی کی سنت پر عمل کریں گے اور زندگی گزاریں گے۔
