اسلام آباد: اسلام آباد ہائی کورٹ کو فوری بند کرنے کا حکم کس نے اورکیوں دیا؟اہم خبرآگئی ،اطلاعات کےمطابق اسلام آباد ہائی کورٹ کو فوری طور بند کرنے کا حکم جاری کردیا گیا۔اس حکم کے بعد سائلین کی طرف سے بہت زیادہ پریشانی کااظہاربھی کیا جارہا ہے
اسلام آباد ہائی کورٹ کے ڈپٹی رجسٹرار ایڈمن نے سرکلر جاری کیا ہے جس کے مطابق رِٹ برانچ میں کام کرنے والے ملازم میں کورونا وائرس کی تصدیق ہوئی ہے۔اعلامیے کے مطابق ڈپٹی کمشنر اسلام آباد کو ہائی کورٹ میں جراثیم کش اسپرے کرانے کی ہدایت کی گئی ہے اور انتہائی محدود تعداد میں عملے کو مکمل حفاظتی اقدامات کے بعد پیر اور منگل کو عدالت آنےکوکہا گیا ہے۔
ڈیوٹی ایڈیشنل رجسٹرار اور کنٹرول روم ڈیوٹی اسٹاف کو پیر اور منگل کو عدالت آنے کی ہدایت کی گئی ہے جب کہ تمام دیگر برانچز کے اسٹاف کو عدالت آنے سے روک دیا گیا۔اعلامیے کے مطابق ڈیوٹی ایڈیشنل رجسٹرار اسلام آباد ہائی کورٹ کو عمل درآمد رپورٹ جمع کرانے کی ہدایت بھی کی گئی ہے۔
خیال رہے کہ ملک بھر میں کورونا وائرس سے متاثرہ افراد کی تعداد 18 ہزار 662 ہوچکی ہے جب کہ 421 افراد ہلاک ہوچکے ہیں۔وفاقی دارالحکومت اسلام آباد میں کورونا کے 365 کیس سامنے آئے ہیں جن میں سے 4 افراد ہلاک ہوچکے ہیں۔
