خاتون جج دھمکی کیس: عمران خان کے ناقابل ضمانت وارنٹ گرفتاری معطل

اسلام آباد کی عدالت نے خاتون جج کو دھمکی دینے کے کیس میں جاری عمران خان کے ناقابل ضمانت وارنٹ گرفتاری معطل کردیئے۔

باغی ٹی وی: گزشتہ روز اسلام آباد کے سول جج نے خاتون جج کو دھمکی دینے سے متعلق کیس میں عمران خان کے ناقابل ضمانت وارنٹ گرفتاری جاری کیے گئے،چیئرمین پی ٹی آئی نے سول جج کی جانب سے جاری ناقابل ضمانت وارنٹ گرفتاری کو سیشن جج کی عدالت میں چیلنج کیا تاہم سیشن جج طاہر محمود کے رخصت پر ہونے کے باعث ڈیوٹی جج سکندر خان کی عدالت میں درخواست دائرکی گئی۔

خاتون جج دھمکی کیس:عمران خان نے ناقابل ضمانت وارنٹ گرفتاری کو چیلنج کردیا

ڈیوٹی جج سکندر خان نے درخواست ایڈیشنل سیشن جج فیضان حیدر گیلانی کو مارک کردی۔

سیشن کورٹ اسلام آبا د، عمران خان کے ناقابل ضمانت وارنٹ گرفتاری سے متعلق کیس کی سماعت ہوئی جس میں عمران خان کے وکلا نعیم حیدر اور انتظار حیدر عدالت میں پیش ہوئے-

وکیل انتظار حیدر نے کہا کہ چیئرمین پی ٹی آئی عمران خان پر لگائی گئی تمام دفعات قابلِ ضمانت ہیں،جج نے وکیل سے سوال کیا اس سے پہلے قابلِ ضمانت وارنٹ گرفتاری جاری ہوئے تھے؟ –

وکیل انتظار حیدر نے کہا کہ کیس میں قابلِ ضمانت وارنٹ گرفتاری جاری نہیں ہوئے، عمران خان سابق وزیراعظم ہیں، سیکیورٹی مہیا کرنا حکومت کی ذمہ داری ہے،حکومت نے عمران خان سے سیکیورٹی واپس لے لی ہے-

جج نے سوال کیا کہ کوئی ایسا خط جس میں لکھا ہو کہ عمران خان کی سیکیورٹی واپس لے لی گئی؟ کل تک متعلقہ خط پیش کردیں-

کراچی: پولیس کی مختلف کارروائیوں میں 8 ملزمان گرفتار،نامعلوم افراد کی گولی سے ایک بچہ …

جج فیضان گیلانی نے وکیل سے مکالمے میں کہا کہ عمران خان کی حکومت تھی لیکن پھر بھی کچہری منتقل نہیں ہوئی، آپ نے اپنے دور حکومت میں کچہری کو شفٹ نہیں کروایا، عمران خان کی الیکشن مہم تو شروع ہے-

وکیل نعیم پنجوتھہ نے کہا کہ عمران خان جوڈیشل کمپلیکس میں پیش ہوئے، جج نے کہا کہ عمران خا ن جوڈیشل کمپلیکس پیش ہوئے لیکن کچہری تو پیش نہیں ہوئے-

جج فیضان گیلانی نے پوچھا کہ کچہری میں 2014 میں حملہ ہوا، کیا اس کے بعد کچہری منتقل ہوئی ؟ عمران خان کو کیس کی نقول فراہم کرنی تھیں، اس لیے عدالت نے بلایا، باتیں تو بہت ہوتی ہیں، تحریکِ انصاف کی کوئی ایک لیگل ریفارم بتا دیں،ویڈیو لنک پر بات ہو سکتی ہے لیکن لیگل ریفارم پر آپ کا دھیان ہی نہیں ہےعمران خان پہلے بھی کچہری آ چکے ہیں، دوبارہ بھی آ سکتے ہیں،ملزم کو ہی کیس کی نقول فراہم کی جاتی ہیں کسی اور کو نہیں دی جاتیں-

اک شخص کتابوں جیسا تھا وہ شخص زبانی یاد ہوا

وکلاء کو عمران خان کی سیکیورٹی واپس لینے سے متعلق دستاویزات عدالت میں پیش کرنے کا حکم کرتے ہوئے سیشن کورٹ نےعمران خان کے ناقابل ضمانت وارنٹ گرفتاری 16 مارچ تک معطل کردیئے،سیشن کورٹ اسلام آبا د نے نے فریقین کو نوٹس جاری کرتے ہوئے سماعت 16 تک ملتوی کردی-

واضح رہےکہ عدالت کی جانب سے ناقابل ضمانت وارنٹ جاری ہونے پر اسلام آباد پولیس کل بذریعہ ہیلی کاپٹر عمران خان کی گرفتاری کے لیے لاہور پہنچی تھی لیکن ان کی گرفتاری عمل میں نہیں آئی اس کے علاوہ اسلام آباد کی ہی عدالت نے توشہ خانہ کیس میں بھی عمران خان کے ناقابل ضمانت وارنٹ گرفتاری بحال کردیئے ہیں-

ملک بھر میں 15 مارچ سے طوفانی بارشوں کی پیشگوئی